我都有個難題都想請教Beaker事緣我都想幫Bebe報學校佢都需要有證件相但最近真係好難帶Bebe出去影相到底我可唔可以喺屋企自己影呢喺屋企當然好值得試因為出去影相可能對住陌生環境同埋好多嘢分散注意 BB好難專心去望鏡頭或者本身個心都有D驚BB喺屋企就可以好安心咁俾信任嘅人去嘗試影人生中第一張嘅證件相我哋都喺屋企試吓睇吓做唔做到 好呀如果我哋想喺屋企幫BB影相首先我哋要搵一個合適嘅環境呢個合適嘅環境 光線係重要嘅因為Bebe九個月大啦 雖然用閃光燈都可以只要唔係直接打落對眼 對佢眼睛都無傷害但睇到屋企的自然光邊度嚟對我哋影證件相嘅光線有點幫助由於窗喺另一邊 光線會去到呢幅牆你見到有個小小嘅影我地知道光線由呢邊嚟我地會揀呢幅牆做我哋嘅背景而牆前面嘅雜物全部都收好將呢度執好先 清咗呢幅牆再做其他步驟 執好幅牆之後 需要幫牆準備白畫紙用嚟作證件相背景另外呢張係麻雀紙可以幫我哋做好初階嘅反光板呢個點樣反光 稍後我哋再解釋我地先貼好背景紙執好牆前面嘅雜物將喺文具鋪買返嚟 最大尺寸嘅白畫紙貼上去留意畫紙要平整同埋地下可以再加多一張目的就係希望做少少反光板嘅功能等BB嘅輪廓可以再靚D 我哋先用個公仔練習一吓將佢放喺背景紙正中間如果你用IPhone11 Pro可以揀2X呢個鏡頭喺唔影響畫面質素底下BB個頭會變大咗記住喺電話入面開返呢個九宮格佢可以幫助你構圖 上面有第一條橫線盡量將佢同BB眼眉成同一直線BB眼耳口鼻就喺中間呢個框一陣BB一出場佢可以已經開始郁來郁去 所以你只要見到BB個頭 接近呢兩條線中間你都可以按下去無錯喇 如果你已經準備好我哋就請Bebe出場 真係試吓喇嘩 我想話小朋友其實係不停咁郁好似Bebe咁一擺低不停郁 咁點算Bebe都係生物 會郁都係好正常唔郁你就驚 咁都唔緊要小朋友通常係我哋一擺佢落地下頭十至二十秒佢係會最定嘅咁就係黃金機會除此之外 揸相機嗰個準備好可以叫爸爸都準備好等佢可以喺相機鏡頭水平位置吸引Bebe嘅注意力都可以令你D大機會影到Bebe望正鏡頭嘅相同埋我哋發現小朋友飲完奶之後係比較乖 大家都可以留意吓呢一點如果佢肚餓 你就唔洗諗好難影到 一定扭計所以一定要佢飯氣攻心嘅時候影咁成功嘅機會就更高喇當我哋影咗一千二百六十六張之後終於有一張成功喇雖然影咗N咁多張真係幾攰不過估唔到真係有意外收穫幫Bebe好似影咗一輯貼紙集咁係呀 第日睇返相 好似返去呢個時刻咁加上相係媽咪親自影睇返自然係更加有感覺除咗要影相之外我哋都要有一執相技巧
