係時候要出Post介紹下，梅窩半日遊下集啦!! 唔知大家有冇睇到版主寫既上集呢?? 今次梅窩半日遊下集，主要係想同大家介紹返梅窩 最著名的打卡地點「山寨龍貓巴士站」同「銀礦洞瀑布」。 話說版主係上一集唔記得提大家，如果唔想行得咁辛苦，其實都可以租單車架，價錢大約係$40。 另外，租車時間大約6小時到，其實都真係好抵玩架!! 租車地方選擇1 : 一出梅窩碼頭向右轉-->多間雜貨店-->對面馬路有單車可以租 租車地方選擇2: 梅窩「銀礦灣泳灘」入口位附近-->張記單車攤檔 題外話: 今次版主影得唔多相，所以只可以用文字大約講下位置係邊。 首先，上集就講到版主踩單車去到「洪聖古廟」啦，而附近的屋大多都係十層高的大廈。 同市中心的面貌果然截然不同呀，然後版主我又周圍踩下影下相咁， 點知踩踩下竟然覺得自己好似去到長洲咁!!! 其實應該話好似去左一個村落咁!!! 附近的樓大約都係3層高，有D仲係獨立屋黎，周圍仲要圍繞住青草田地。 但最令版主激動的係附近有好多牛係度食草，數一數都大概有15隻。 老實講版主真係第一次咁近距離見到咁多牛，而且佢地都好乖。 因為有部分遊客摸佢地個身果時都無反抗過。不過版主都真係好好奇， 點解D牛牛既主人可以咁放心佢地出去食草? 唔怕佢地走失? 講左咁耐，都係時候要Post下牛牛既相啦~ 唔知平時有冇咁多牛行出黎? 梅窩踩單車攝牛牛 https://www.youtube.com/watch?v=SPMwfQqHtN0 睇完牛牛，就帶大家睇下「山寨龍貓巴士站」景點啦。 睇真D其實都有幾分相似呀，如果坐係度影相應該都會幾有女神文青Feel既，哈哈! 經過呢個地方後就可以一直向前踩，直到見到有條分叉路，然後轉右一直踩，就會見到過「文武廟」同 「白銀鄉」呢兩個地方。講到呢度，大家仲記唔記得，版主上集講過今集會同大家解釋下， 點解版主最後無去到「銀礦洞瀑布」呢? 事源就係當時都就快5點鐘，同埋版主總感覺陰陰涼涼的，而當時又得版主一個女仔。 考慮到自己怕黑T^T 同安全問題後，版主都係決定係呢頭調頭走。 雖然版主真係覺得好可惜，但都無辦法啦，畢竟版主真係一個好膽小的人。 唯有下次搵多幾個朋友一齊去啦，不過如果大家有興趣，都可以去以下呢d網址睇下。 【親子森林課】魚子醬勇闖銀礦瀑布！http://www.ohmykids.org/2015/11/%E3%80%90%E8%A6%AA%E5%AD%90%E6%A3%AE%E6%9E%97%E8%AA%B2%E3%80%91%E9%AD%9A%E5%AD%90%E9%86%AC%E5%8B%87%E9%97%96%E9%8A%80%E7%A4%A6%E7%80%91%E5%B8%83%EF%BC%81/ 銀礦瀑布 https://www.youtube.com/watch?v=Amy5dOHiPkc 雖然無影到瀑布比大家，但都唔洗失望既，因為版主發掘到一個特別既地方--「梅窩文化展覽中心」。 版主係就係無入去睇過，但裹面應該有好多關於梅窩過往的歷史。 如果大家對梅窩歷史有興趣，都可以入去睇下架~~ 最後，版主踩左3個鐘既單車後，就開始好肚餓啦，而且都見就天黑， 所以索性退還部單車，然後搵返間餐廳食飯!!! (６粒*為滿分） 店鋪衛生: **** 食物味道: *** 食物份量: **** 店員服務: **** 食物價錢: **** 整體黎講，版主認為飯唔熱，但有咖哩牛楠汁搭救。不過如果可以再辣D同少牛根就好啦! 去到呢度，版主想介紹既都已經介紹完啦，最後等我送返張日落黃昏比大家啦，請大家笑納!! 如果大家仲覺得唔夠過癮，想了解多D，都可以上以下網址睇下架~ 【漫漫遊】梅窩 有嘢玩㗎咩？ https://www.youtube.com/watch?v=Uw1YbMMf30Y&list=WL&index=17
