話說版主好耐都無出過post啦， 真係唔知點解每次出親post都係夜晚。難道真係夜晚先有靈感? 定係因為版主夜晚出世，所以先特別鐘意夜晚出post? （版主都係講笑嗜~） 其實主要係因為版主偷懶左好幾日，就無哂動力去打文啦。 哎～睇黎版主真係好需要一個人黎管下版主呀 ！！！ 好啦～係時候帶大家入正題啦，本來今次去梅窩係打算同呀媽一齊去既。 事源版主呀媽話未去過梅窩喎，但點知第一次做導遊就被呀媽放我飛機啦！！ 雖然被放飛機係有Ｄ不爽，但版主依然決定自己一個去探下路先。 首先同大家講下條路線係點去先， １中環地鐵站(A2出口) ２ 搭自動扶手電梯上一層就會見到天橋 ３上天橋後轉左一直行，大約步行１５分鐘就會見到海邊同摩天輪 ４ 落樓梯後向左轉就會睇到中環碼頭 ( 6號碼頭-梅窩) 題外話: 版主借左部相機比細佬去韓國影相，所以畫質影得唔多好，請見諒呀大家！ 梅窩坐船 https://www.youtube.com/watch?v=YS-2lkgZ7vo 版主係碼頭等左一陣，終於上到船啦。 老實講，版主真係有成年無坐過船啦。 但唔知係咪因為咁，所以一上到船竟然同我暈船浪！！ 如果唔係版主我﹑老娘我經得起風浪，實會嘔到成身都係嗜。（感恩呀，哈！） 點擊圖片放大 +2 坐左成個鐘既船，終於到達梅窩碼頭啦!! 可能係因為大晴天，所以版主心情特別興奮！！ 老實講版主都係當日先發覺梅窩，都有幾多遊客入去玩架喎，不過主要都係外國人居多。 而版主今次入去梅窩都係因為雜誌旅遊書的介紹。 記得書上介紹左幾個梅窩最出名既景點， 分別係「銀礦灣泳灘」﹑「洪聖古廟」 ﹑「山寨龍貓巴士站」及「銀礦洞瀑布」。 而版主最後都剩係去左頭三個景點咋，原因為何，則要留意「梅窩半日遊下集 」啦！！ 而家就等版主簡單講下我去左梅窩邊個地方啦！！ １梅窩碼頭附近環境 (註: 背景聲音比較嘈，大家記得較少聲D) https://youtu.be/vA1rLQl29aE ２梅窩「銀礦灣泳灘」 https://youtu.be/JGwHo20rPkg （６分＊為滿分）環境: ＊＊＊＊ 水質: ＊＊＊＊ 人流: ＊＊＊ 整體來講，風景尚算優美﹑空氣清新清涼。畢竟是離島，人流也相對淺水灣沙灘少。 如果大家有興趣識返個外國人，建議大家黎呢到玩呀，話唔定你地都會有奇遇呢，哈哈！ ３「銀礦灣泳灘」渡假酒店 版主雖然無去過呢間酒店住過，但版主見到佢網上的房間都尚算唔錯。 而且酒店對出就係「銀礦灣泳灘」，樓下又有好多食肆同士多鋪，方便又就腳。 如果大家有興趣，都可以先參考下以下呢個網址。 http://www.silvermineresort.com/zh-hant ４「洪聖古廟」 ＊＊今集「梅窩半日遊」就介紹到咁多先，下集版主帶大家睇梅窩—牛牛。＊＊
