話說前日版主出旺角行街幫蝦Ｂ買野時，諗住買Ｄ飲品解口渴啦， 點知就比我見到對面街有一間「Sweet Monster」裝修得好吸引， 因為佢隻公仔設計真係同怪獸公司果隻毛毛好似樣。 (題外話：版主真係覺得毛毛幾得意同幾搞笑!!) 當然啦，見到有間咁特別既鋪頭，就梗係要去試下啦。 雖然聽講呢間店出名好食既係爆谷雪糕，但都仲有梳打飲品﹑奶昔飲品同冬甩可以比顧客選擇。 而最後版主都係選擇左，自己最鐘意的天藍色飲品同冬甩。 以下係版主試食後的小小意見。(聲明:以下評論純屬個人口味，並不存在評論個別商鋪。） 檸檬梳打 第一次入口時覺得幾好飲，因為酸酸地幾開胃，但飲左大半杯之後，就開始覺得好酸。 如果能配上店鋪內的冬甩或其他食物可能會令味道中和返。 （六粒星為滿分） 賣相: ＊＊＊＊ 味道: ＊＊＊ 價錢: ＊＊＊＊ 藍莓冬甩 睇賣相真係幾得意，但的確人不可以貌相，而家就連食物都係。 入口的時候，版主就感覺中伏了，因為成個冬甩係雪到硬哂，好難咬得開。 感覺就似係食緊芝士餅多過冬甩，我諗唯一特點可能就係賣相同藍莓醬掛。 （六粒星為滿分） 賣相: ＊＊＊＊ 味道: ＊＊ 價錢: ＊＊＊ 如果下次有機會既，版主一定要試下「Sweet Monster」最出名的雪糕爆谷。 韓國人氣雪糕登陸 芝士焦糖爆谷最呃Like ﹣新假期 https://www.youtube.com/watch?v=-hmOtbqBnOU
