版主今日想同大家介紹下,最近十分流行的Missha染髮包。 事源身邊有好多的女性朋友都好關注呢款Missha染髮包, 皆因呢款染髮包效果只係維持7天的時間,而且不傷頭髮。 對於每星期想試染唔同色,或者跟貼潮流的女士們,當然係天大的喜訊啦! 而版主亦決定身先士卒去試玩下,但好可惜版主去到萬寜時, 就發覺最想試玩的藍色同綠色已經比人買哂啦~好傷心! 當時剩係得番兩包櫻桃紅的染髮包,所以版主諗都唔諗就買左剩低果兩包啦! 係經過版主的親身體驗後,發覺Missha染髮包又未完全好似坊間咁講中哂伏既! 因為用完Missha染髮包後,版主發現洗頭後的頭髮竟然出現順滑的效果,而且帶有陣陣香味。 記者親身測試!大熱7日 MISSHA染髮劑 10分鐘染髮連護髮! https://www.youtube.com/watch?v=JqImOgrvkaI 但老實講,版主都認為Missha染髮包會比較適合頭髮顏色淺的女性。 而深色或者無漂染過的頭髮,就需要用兩包染髮包同分開兩次染先會有效果。 不過有一點要提大家的就係,版主用左兩包去染底層頭髮,而上層頭髮就無點染過。 所以如果大家唔係想做一個挑染的效果,而係成個頭的就最好買定3包,特別係頭髮厚的女性。 不過如果版主買3包先可以染到成個頭既,咁計返個價錢(每包 $ 23- $ 25) 其實同普通染髮劑差唔多,可能普通染髮劑的效果會更好。 當然,普通染髮劑就無咁多顏色可以選擇既,而且仲要過一段時間先可以染其他顏色。 俏俏話: 版主自己染完出來的效果都算不錯,而版主的同事見到都讚過靚的。 之後仲私底下搵左版主幫手買。感覺呢個頭髮係陽光底看可能會更美。 版主染髮體驗 櫻桃紅Missha染髮包 染髮前 染髮後