不知道大家有冇做過售貨員？或者遇上一，兩位客人會令你印象深刻呢？ 本人做過兼職書店售貨員，都做咗四年，第一間係尖沙咀一間有名氣書店，第二間位於九龍灣某店（名字不公開）。呢四年都遇上不同客人都令我印象太深刻，難以形容。 所以我就想分享我遇見過特別客人，大家都可討論下你哋遇過嘅客人。 這大家要明白香港書店大多數不能盡滿足客人需求。因為入書量都有上限，特別嘅書都未必有，所以書店都會有一種服務就係訂書。我呢間書店每一日員工都不同，當然前者所做嘅事後者都未必知發生咩事。當然呢件事，我係位後者。 我經理同我講呢位客人訂咗套書，就分成一，二，三冊，本書係日本係出名，但係香港可能就一般，我都睇過真人電影都感人。客人係想要哂一，二，三冊，但前者可能冇同客人講明如果有啲書可能買哂嘅可能性，導致後者係會比人鬧。。。 事但有時候不是樣樣野都係事與願違，點解？呢位客人要一，二，三冊，不幸地第二冊日本買斷貨，不知道出版社幾時會再印刷，所以我都好討厭日本出版社，出完就算，不過大家都會睇諒現在經濟都係不太好，同現今社會每樣野都要講環保。 經理叫我打俾客人說明，本書冇第二冊，因為公司做法係冇書要一星期內通知，代表我哋對客人有個交代。經理叫到當然要做。 我與客人對話 我：X小姐您好，呢到係XX書店，你係本店訂咗一套書，唔好意思日本回覆冇第二冊。其他還有你沒有問題。 客人：。。。(激動)下，你哋唔係check哂先，同個客講有冇呢本書。 我：小姐唔好意思，公司做法一定要落訂金先能問到日本有冇貨。。。(保障書店不會有人棄單） 客人：咁冇第二冊，我全部都唔要啦。 我﹕唔好意思客人，出咗訂單冇得取消。 客人：咁點算啊? 你哋點做野架?你哋好冇責任囉。 我﹕真係唔好意思，我哋唔會查證到本書有冇貨。我哋都要透過日本供應商俾我哋答覆再回覆客人。 客人：本書好出名架。出版社點會唔再出版印刷? 我﹕本書係日本係好出名買到斷貨，加上出版社都暫時冇意思再加印刷。 客人：咁你現在打比我做咩? 我﹕通知你本書冇第二冊。其他還有。同埋出咗訂單冇得取消。 客人：你哋遇上呢D事會點做? 我﹕客人你可以去其他書店到訂。 客人：咁你哋話我知本書冇，冇得退訂，我話你聴我唔會再幫櫬你哋。 ~俾人cut 線~ 我﹕。。。(其實我心中係粗口鬧緊) 我好想講嘅係，當然待客之道係以客人為主，因為客人永遠是對的。但我哋作為售貨員唔係要受客人氣。可能前者冇説明清楚冇貨係會點?導致發生呢啲事。當中大家都有不對，但係就算有講到都要俾人鬧。 咁客人就是你不對!!
