筆者再去發掘深圳好去處,老實說返得去深圳都係搵飲搵食,係深圳消費都要識得揀邊D CP值高的餐廳,否則一定驚中伏難食,又驚貴夾唔飽。 (可重溫其他的貼文!!) 今次極度推介依間花園餐廳,唔係香港鋸扒呀!佢全名係「ETA Garden Restaurant 逸塔.花園餐廳(南山店)」。 地點可以認「七巧國」商場,成個商場區都有好多食店同商店的。 (喜歡我的內容,都可以follow 啊) 追蹤我的專頁(Follow me) Facebook專頁:遊玩者Travel Player Instagram:Travel_player 佢最出名就係成間餐廳佈置好似一個花園咁,仲有一個ball廳,唔少人都會book黎開party。 當你單單係見到佢個溫室花園區,你就會不停咁影相打卡,絕對係文青之選呀! 最搶眼:巨型盆栽牆 點擊圖片放大 +2 筆者好可惜今次book唔到溫室花園區,只能夠坐窗邊位。 幸好,食物質素超高,算係暫時填滿返當下的失望感,主要係食東南亞菜,星馬泰越菜都有,飲品選擇都好多,重點係求其點都好食 越車米卷:菜新鮮夠fresh 冬蔭公湯:酸辣味極度濃郁,辣度起碼有3小辣,但好正宗(必食) 炒金邊粉:極有鑊氣,味道夠濃(必食) 青檸魚:味就夠濃,但魚的肉質有點散 炒青咖哩飯:以為青bb賣相一般,但炒得好食,炒飯粒粒企身,青咖喱味超重 凍水果茶(杯,700ml):唔太甜,冇假甜味 人均消費:約RMB 60-80(連飲品) 可留意大眾點評間中都會有coupon出(如有大陸wechat錢包/支付) 地址:金雞路田廈翡翠明珠七巧國2樓(KFC旁) 交通:桃園地鐵站B出口(向前行3-4分鐘望右邊見到門牌轉入去) 電話:0755-33151836