拉麵總有佢迷人之處,每次到日本,唔食碗拉麵幾乎等於無去過一樣。但吃得多日本的正宗拉麵時,唔覺唔覺,條脷都會愈食愈咀刁,所以返到香港食拉麵,都好難搵到一碗真係拍得住日本當地水準的拉麵。 沾麵都係拉麵一種,只是湯頭及面條分開上,面條就是要沾在濃郁的湯頭一啖一啖咁食。沾面的面質都會相對黏韌、更彈牙爽滑。 追蹤我的專頁(Follow me) Facebook專頁:遊玩者Travel Player Instagram:Travel_player 係香港,終於食到一家水準唔錯的沾面店,就是已開店的「彩aya」沾面店。總店是在元朗,好似去年底在西環一條後巷開分店,舖位真係要識搵先搵到。其實小編一直都想試依家由居港日本人開業的沾面店,今次順道行開那邊,就決定試下。 小編因為行完一轉西環碼頭影完日落先出發,所以去到都7:15pm,遲一步都冇籌,派到101左右就售完了。而我便足足等了90分鐘先可以入去,店內大概只有25個位左右,所以想食請趁早。 (小小tips:因為要係後巷排隊,其實衛生環境好一般,有時都有奇怪的味道,所以如果要排長隊要諗清楚!) 地址:彩Aya 西環石塘咀屈地街16號金陵大廈地舖 是日的special 面:伯爵荼 今次試了兩款: 第一碗:黑蒜油、小麥、加蛋 (總分5分) 整體水準:**** 湯:****(唔咸、黑蒜夠香、稠度適中) 面:****(夠韌,但唔夠彈牙) 掛湯力:*** 第二碗:蝦味噌、伯爵荼 點擊圖片放大 +2 (總分5分) 整體水準:**** 湯:****(唔咸、鮮味好出、較稀) 面:****(夠韌,但唔夠彈牙) 掛湯力:** 彩蛋:台面上原以為會有七味粉或者生蒜,只見到有一瓶辣油同埋一瓶深啡色、一粒粒的佐料,試了幾粒後,發現原來是炸蒜,加入滲頭入面超級有驚喜,豐富口感之外,為滲頭添了幾分滋味。 建議如果食黑蒜滲底就唔好落炸蒜!!