北上深圳尋開心，小編個人都偏愛去搵好野食，尤其返大陸可以食到內地各地的代表菜餚。兩年前都遊走過中國大西北，唔多唔少都掛住當地的美食。 今日特別會介紹一家蒙古菜/大西北菜的食店 深圳歡樂海岸都係小編常去的地區，交通實在太方便，只需要在落馬州搭地鐵到深圳灣公園站一出就已經到達見的地。如果有時間，另一個地鐵站出口仲可以去行下深圳灣公園，依度黃昏係睇日落的好地方！！有長達11km的海岸線，一望對面其實就係香港天水圍。 追蹤我的專頁（Follow me） Facebook專頁：遊玩者Travel Player Instagram：Travel_player 歡樂海岸實在有太多餐廳選擇，不過食過就知其實有好多都係伏！不過依家已經試過2次，水準仲keep到，就係蒙古菜人氣店－「西貝莜面村」 係咪睇完都諗緊隻字點讀呢？「莜」粵音讀「柔」，莜面由莜麥加工而成的面粉，主要在山西、内蒙古等地區都會製作莜面，據知原來內含豐富的營養。 不過其實最吸引我的唔係依種面，而係羊肉。 小編太愛吃羊，大西北之旅幾乎日日都食羊，當地的羊因為通山跑、靠山餵養，所以完全無羊羶味，所以小編對食羊要求自此提高好多。而西貝莜面村的羊可以令我記起大西北的味道，羊肉食品極為推介！ 至於莜面呢就一般啦，個人偏愛如果食面，面質一定要彈牙有口感，但莜面的口感太焾。不過佢菜單上莜面的配搭都好多。 必食小菜： 1. 蘑菇湯莜面魚魚 將莜面搓到一條條好似魚仔咁，加埋菌類同埋少少蕃茄湯，味道幾鮮甜，幾清。 2. 烤羊棒 比手掌更大的羊棒，用手拎住食，肉質都幾嫩 3. 肉夾饃 陝西地區必日常食物表表者，雖然同西安的肉夾饃仲有段距離，饃皮唔夠薄，似唔夠多，但羊肉味係超濃。 4. 烤羊排 價錢係偏貴，但羊排位置係有肉、有脂、有軟骨，蘸上孜然粉更突出羊味 5. 羊肉餃子 蒸羊肉都好食，就可知道羊的品質非常之高，但一定要趁熱食！一定要！ 6. 烤羊串 順帶一題：其服務水平算係小編幫襯很多間人氣食肆最好水準的一家，一來點餐後會有指定設定時間上齊菜，否則公司會送上酸奶以表歉意；另外服務員都會很落力為你點餐或同你溝通，當然都有客人比tips員工的計劃，但個人觀感都覺得佢地都由心地服務，都享受工作。 地址：歡樂海岸店曲水灣2棟H區 交通：地鐵深圳灣公園站
