難得可以閒日去迪士尼，真係開心爆燈呀！ 平日的樂園不太多人，我是「奇妙處處通」銀卡會員，已經是第二年續會了～是迪士尼的粉絲，好中意來樂園玩，百去不厭！ 今日更加不用帶皮皮，因為我和皮皮爹地來迪士尼．率．先．試．玩．最新園區「迷離莊園」，今篇文章好多相，大家慢慢睇，有大量「迷離大宅」裏面的神秘面紗～！！～！～！ Let's GOOOOOOOO！ 「迷離莊園」在灰熊山谷及反斗奇兵之間，將會在5月17 日正式開幕～ 如果你在反斗奇兵樂園，盡頭暫時關上大門，未入到 「迷離莊園」住～ 而今次的「預演日」在灰熊山谷那邊作入口處～ 好榮幸及超級開心抽中我們參加「迷離莊園」的預演日！ 試玩當日天氣不穩，經常下大雨，有一點可惜，未能在奇幻庭園拍更多照片給大家看．．． 「迷離莊園」最主要的建築物－「迷離大宅」！ 裏面既故事是講述由馬騮仔阿拔帶大家乘坐由亨利爵士設計的迷離莊園電磁廂車，欣賞爵士由世界各地搜集返來的奇珍異寶～～～ 快快入去看看先！ 相入面就是亨利爵士和馬騮仔阿拔^^ 未正式入到大宅之前，已經見到好多珍品了！ 無論來自西方或東方的珍品都有～～～ 入大宅之前更有大宅平面圖比大家先了解入面的珍品～！～ 跟住就會入到一間黑蚊蚊既房聽下亨利爵士講野，有時阿拔會出黎搞搞震．．． （以上都是排隊位，相信人多時大家可以周圍睇下野解悶＞＜） 過左間黑房，就可以坐到亨利爵士設計的無軌電磁車了～！一共有四架車，每架車最多坐六人～～～仲好細心後座會高一級，唔會比前座的朋友遮住！讚！ 入去啦～～～ 一入到去黑蚊蚊，基本上成個遊戲都黑蚊蚊，形造迷離感覺～～～亨利爵士和阿拔在這裏出現，仲好似施魔法咁～～ 大宅裏面有好多不同主題的珍藏區域，會越睇越精彩的！ 嚇親＞＜ 點擊圖片放大 +5 本來想post更多相、寫更多入面遊戲的內容，但都係留返D等大家入去玩時感受下有幾刺激！ 感覺好逼真，真係好好玩呀！再等「迷離莊園」開幕，我地再入去玩多次！ 不過小朋友就需要家長陪同 ，有些位都幾驚嚇，小朋友玩就可能會驚驚，大人玩都會有些位嚇親架！ 出了大宅，可以到「迷離珍藏店」入貨，shop 一 shop啦！ 然後到「大冒險家餐廳」填下個肚～～～食物跟樂園其他餐廳有些不同架！ 餐廳的環境帶有古典民族色彩，而且仲有幾個主題餐館，佈置都不一樣架！ 店員推介：烤牛仔骨套餐$118 老實講，迪士尼樂園的食物雖然有點小貴，但質素大部份都OK，仲幾好食，因為我成日試不同新口味的～～ 這個牛仔骨老公說牛仔肉好淋，Ｄ汁夠惹味，白飯連湯加前菜，$118這個價錢可接受呢！ 我點的有：爪哇雜菜咖喱套餐$88 以女生的份量其實咖喱加薄餅已經足夠，好飽了～～如果可以不加白飯就更好！我是撈汁怪，這個咖喱微辣好香口，點薄餅好好味，雜菜夠淋，如果雜菜的種類多些，或加一點雞肉就沒太單調，這個給好評，真是好美味呢！ 另外套餐加$18可以轉「迷離莊園」特有特飲「藍苺奧秘」，會發光的飲品，味道不錯，底部有真藍苺醬很濃郁，好喝呀！！！ 新園區當然要儲新貼紙啦！這裏還欠Minnie一張啊～不過離開前我已儲齊，大家入到去不要害羞問下工作人員拿貼紙呀！ 五月份我會再去多次的，下次帶埋皮皮去掃貨，因為奇妙處處通會員又有會員優惠，買精品會有七折，今年去了4次迪士尼，下次再分享我地玩咩啦！！！ 關於daidai ＆ pipi： 博客： Blogspot Yahoo Beauty Exchange ubeauty she.com 88db elle MyBB.com.hk Email: yuijoan@gmail.com Facebook專頁： http://www.facebook.com/joan.cheng 新浪微博：http://weibo.com/daidaipipi
