媽媽有得食 細路瘋狂玩! 非洲大草原主題～Play House Play Cafe @ D．Park 返多2日學就放假，實在太開心啦！皮媽真心感到小朋友上左小學之後，真係少左好多時間玩＞＜不時默書測驗，港孩真係冇得抖，玩樂真是好奢侈啊！！！ 快到聖誕節，皮媽帶左皮皮去荃灣D．Park玩，呢度新開左一間Play House，我中意呢度地點方便，小朋友有得任玩之餘，又有親子餐廳食下野，補充下體力！就趁假期帶小朋友黎放電，媽媽也解解壓吧！～ 我自己都幾中意去D．Park，因為有幾間大店可以比我shopping (≧∇≦) ，又有好多野比小朋友玩！好似Play House Play Cafe 呢度咁，呢度有得玩有得食，小朋友一定好開心！ Play House Play Cafe 以非洲大草原為主題，周圍都是綠色，還有不同動物，感覺都幾療癒～ 入口處有儲物櫃出租，租金$10，按金$40，價格很合理，另外進入遊樂區要脫鞋子，鞋櫃空間很充足。 皮皮一來到就和朋友仔自由奔放，捉都捉唔住，捐窿捐罅，草原大迷宮超級好玩！ 呢度周圍都係軟墊，媽媽不怕孩子受傷，安心任他自由玩！ 點擊圖片放大 個個小朋友都很沉迷這部吸波波機，知唔知點解？ 因為夠一定份量的波波，就會下波波雨，很期待刺激的一刻啊！ 波波池的範圍很廣，波波量超多的，游水都得呀！ 另外有一系列以草原動物為造型的玩具車，馬仔、獅子、長頸鹿，暢遊大草原～ 厭未放夠電，仲有彈床比小朋友瘋狂彈彈跳！ 玩完Play House 我同皮皮就參加了親子聖誕曲奇班～ 小廚神好落力，連帽子都甩埋＞＜ 焗好仲可以拎返屋企慢慢嘆～ 餐廳就在遊樂區鄰旁，孩子玩夠就來找媽媽開餐，媽媽亦可安坐在用餐區望著孩子玩，很是方便。 這裡以輕西餐為主，特色菜有兒童薄餅、兒童意粉、香蕉船、鮮什果伴雪糕、心太軟伴雪糕、冬甩伴雪糕、棉花糖泡泡朱古力、有機熱牛奶泡泡沫茶、有機熱牛奶泡泡朱古力、鮮什果茶等。 我這份香蕉船賣相不錯吧！仲有三球雪糕添！ 小朋友至愛啫哩杯～～ 我選了Tiramisu，味道也不錯～ 雞翼也很惹味！ 水果茶很大杯！點一杯可以坐全日～！～！ 另有意粉、薄餅等，這天還未試，下次來再吃過！ 皮皮實在太耐冇放過電，呢日佢玩得超開心！ Play House Play Cafe 是個親子好去處，一個價錢全日任玩，仲有餐券送真係好抵呀！這裡也有房間可包場，食物是即製的，熱烘烘的不用怕吃冷冰冰的到會食物，媽媽們來辦聚會、生日會的好地方！ 入場門票售價: 一名小童(1.3米或以下)加一名成人 平日 $150 （非會員，包$30咖啡廳現金券及DIY煮食小工具） 平日 $130 （會員，包$30咖啡廳現金券及DIY煮食小工具） 額外一名成人 $50 額外一名小童 $80 一名小童(1.3米或以下)加一名成人 假日 $220 （非會員，包$50咖啡廳現金券及DIY煮食小工具） 假日 $200 （會員，包$50咖啡廳現金券及DIY煮食小工具） 額外一名成人 $70 額外一名小童 $130 Play House Play Cafe @ D．Park 地址:新界荃灣青山公路荃灣段398號D．PARK第二層2069b及2070a舖 電話:2778-5999 Facebook: www.facebook.com/playcafedpark 網址: www.kidgoland.com 睇片睇下有幾好玩啦！ https://youtu.be/xfWifPXPEos #PlayHouse #PlayCafe #荃灣PlayHouse #dparkhk 關於daidai ＆ pipi： Daidai ＆ pipi 的快樂魔法 博客： Blogspot ． ohmykids ． Oh!爸媽．MamiBuy Beauty Exchange ． she.com ． elle ． WeShare ． ubeauty MyBB Instagram：daidaipipi http://instagram.com/daidaipipi/ YouTube：daidai Joan https://www.youtube.com/user/yuijoan email: yuijoan@gmail.com
