[海洋公園哈囉喂] 小兒科鬼屋全面睇！ 原來海洋公園哈囉喂已經係第16年！嘩！咁鬼耐歷史！皮皮媽我由少女玩到做媽媽，都斷斷續續玩過好幾年架！ 以前海洋公園哈囉喂都係比大人玩多，近呢2-3年多左唔少小朋友都啱玩嘅玩意，實行一家大小在哈囉喂都可以愉快歡渡，少少驚多多Fun！唔知升左小學的皮皮幾時會跟我去哈囉喂？今次先由皮媽以家長角度睇下有咩啱小朋友玩啦！ 最小兒科：古惑糖果村 舊年都有嘅古惑糖果村，今年再度推出，實行「派糖」！ 只要在糖果村每站check point挑戰村民，玩下d簡單遊戲，就會有糖果或小禮物，小朋友見到實好開心！成筒萬果珠、珍寶珠仲有勁好味嘅TimTam， 入落你嘅哈囉喂糖果收集袋度，開心到笑騎騎！ 加上糖果村村民笑臉迎人，唔嚇小朋友，玩既遊戲簡單又開心，村民仲教你唸可愛咒語，拜見村長，逐級挑戰，大人都覺得好玩呀！ 點擊圖片放大 幾經百戰，終於去到村長度啦！見到咁大箱好好味嘅TimTam，即刻心花怒放！跟住村長玩遊戲～ 真係冇咩大人會咁齊心玩，小朋友黎玩實哈哈大笑（≧∇≦） 最後滿載而歸！黎到哈囉喂記住黎古惑糖果村補給下，之後玩鬼屋嚇到暈都可以食粒糖果定驚（≧∇≦） 見到咁巨型嘅棉花糖鬼，係人都爭住合照！真是超級得意！ 呢度係「捉鬼敢死隊學堂」，放心，冇鬼架！一D都唔驚嚇，驚喜就多蘿蘿，細路仔來到可以周圍玩周圍摸，瘋狂影相都冇問題！ 黎到一定要試下背呢個捉鬼裝備，確實幾重下，要做捉鬼敢死隊隊員唔係咁easy～ 黎到博士的實驗室，可以玩下核突到痺嘅鬼口水，OMG!勁痴笠笠～ 小朋友應該唔怕呢d核突野（≧∇≦） 之後落黎仲驚喜！可以扮捉鬼敢死隊拎住支捉鬼槍去捉鬼！ 入到呢個超級熒嘅熒光迷陣，就好快快手對準目標開槍！計分架！努力！ 點擊圖片放大 最後合格成為捉鬼敢死隊隊員，完成任務有禮物送返，至於係乜就賣個關子，包你滿意啦！ 有得玩又有禮物收真係超Happy！最最最驚喜棉花糖鬼周不時出現同你玩，係人都想攬住佢！ 玩完「捉鬼敢死隊學堂」，仲有「捉鬼敢死隊Live!」，但Live!係真鬼屋，小朋友就未必玩到，堅恐怖(((o(*ﾟ▽ﾟ*)o))) 如果小朋友膽量再勁D，可以在日間時間帶小嘩鬼來「照妖宮殿」，將日常捉小精靈嘅技巧發揮出黎，變左捉西遊記嘅妖精！ 只要Download海洋公園「猛鬼獵人」App，在「照妖宮殿」裡可以開住呢個App捉妖精，仲可以同鬼Selfie！ 每個關卡都不難發現 check point，有D仲係小朋友高度，就好似玩小精靈遊戲咁，見到check point就會見到妖精架！ 不過個App有少少反應遲頓⋯要比多2秒時間等等先有勁野睇⋯-_-# BTW, 入黎鬼屋點會淨係玩捉妖怪？呢度嘅鬼全都是西遊記角色，女角仲好靚女，唔係鬼樣黎架（≧∇≦） 蜘蛛宮裡有得捉蜘蛛妖，Gotcha ！ 仲有孫悟空、白骨精、牛魔王和鐵扇公主，用「猛鬼獵人」App開天眼就可以同佢地一齊Selfie！ 不過過左5:30pm，「照妖宮殿」就會變成「血祭宮殿」，恐怖十倍！記著留意時間入場呀！晚上的「血祭宮殿」陰森血腥，小朋友就唔適宜玩了⋯ 如果想增加萬聖節氣氛和投入感，不妨畫花臉啦！臉部彩繪好受小朋友歡迎架！ 好可愛唷～ 在場亦有小道具售賣～ 南瓜臉妹妹好可愛，啱唒中意扮鬼扮馬嘅小朋友（≧∇≦） 哈囉喂的佈置很有氣氛，如果阿囝在佢實叫我影哂咁多隻南瓜公仔佈置架！唔怕鬼就周圍搵鬼影相啦！少少驚，多多Fun架！ 哈囉喂期間海洋公園周不時都會有嘩鬼表演，跳舞雜技樣樣齊，有興趣就留意時間表，大家實睇到拍爛手掌！ 還有一系列捉鬼敢死隊精品售賣，好想帶隻棉花糖鬼返屋企呀！ 海洋公園哈囉喂全日祭2016 日期： 10月2日至 31日（9 月及10 月1 日的開放日子為企業包場活動） 公眾人士可於以下17個特選日子入場：2016年10月2、7-10、14- 16、20-23、27- 31日 開放時間： 早上10時至晚上11 時 *哈囉喂景點各有指定開放時間 票價： 海洋公園入場門票：成人港幣385 元；小童（3 至11 歲）港幣193 元 （只需持有一張入場門票，即可從早上到夜晚玩盡公園內的哈囉喂景點及節目） 延伸閱讀： 哈囉喂預告] 史上最恐怖鬼屋 16禁。羅蘭捉鬼唔扮鬼新造型黎啦！ @ 海洋公園哈囉喂全日祭2016 http://daidaipipi.blogspot.hk/2016/08/2016.html 海洋公園「海洋快證」真。快趣！來享受夏天的尾巴～ http://daidaipipi.blogspot.hk/2016/09/blog-post.html 關於daidai ＆ pipi： Daidai ＆ pipi 的快樂魔法 博客： Blogspot ． MyBB.com.hk星級Blogger ．ohmykids ． Oh!爸媽 Beauty Exchange ． she.com ． elle ． WeShare ． ubeauty ． Miniwise Instagram：daidaipipi http://instagram.com/daidaipipi/ YouTube：daidai Joan https://www.youtube.com/user/yuijoan email: yuijoan@gmail.com
