這天我帶了皮皮去參觀婚宴場地，到了ClubONE One Bay East海濱長廊。 皮皮問我：「媽咪你係咪結婚八周年要慶祝呀？」 我說：「唔係呀。。。」（皮皮你咁心水清？） 哈哈。。。你都奇怪我點解會「睇場」 係因為。。。皮皮出年要做花仔！家中有大喜事會發生呀！！！！！ 我真係好開心～所以跟對準新人去睇場幫手給小意見～ 如果有朋友仔都打算結婚找場地，都可以看這blog做小小參考呀～ ClubONE One Bay East海濱長廊 位置近牛頭角，直程在海濱長廊側邊，牛頭角港鐵站行大約10分鐘就到。 一來到接待位，皮皮就跳上梳化坐坐，好舒服啊！ 入口接待位置都幾寬敞舒適，側邊仲有個位可以做Candy Corner～ 新娘房都幾大，有衣架、熨斗可以整理禮服，大梳化比姊妹、化妝師休息都好，而且還有獨立洗手間！真係非常方便周到！ 入到場內，好喜歡這裡沒有柱，可以睇哂成個場，清楚望到台！ 還有姐我蠻喜歡這裡裝潢清雅又不失華麗感，環境很舒服～～～ 最最最中意呢度有半邊場都是落地玻璃，日光透入來很柔和舒服～ 望出是海濱長廊公園，周圍都是綠化物，傍晚又看到日落，愛小清新的新人是不錯選擇～ 新人仲可以在入席前在這落地大玻璃影下日光相，真係好浪漫～ （姐我真的幻想很多⋯⋯⋯）（≧∇≦） 另一角度看，係咪唔錯呢？! 再去禮台看，Backdrop可以選湖水綠、粉紫、白，呢幾隻色都很清雅，而且禮台夠闊落，大家族影大合照都沒問題～ 五層大蛋糕以閃銀蝴蝶裝飾，清清地襯托到新娘子的高雅美麗～ 這裡的花藝裝飾都很美不俗氣～ 主家席很堂皇華麗，不失主人家氣派～ 諗到出年我可以坐主家席真係好興奮！ 而家扮住賓客影張相先（≧∇≦） 負責人說ClubONE One Bay East 這裡最多可以擺27圍，價錢6萬元起可包場，比九龍鬧巿婚宴場地價錢相宜很多啊！（諗得過!） 還有白雪雪的三角琴，可預約鋼琴家演奏，或者新人在這裡拍照都很美～ 餐桌上也有浪漫佈置，蠟燭和花瓣也有提供。 掛油畫或名單的展架都有幾款選擇～ 娛樂區在另一個房間，充足麻雀供親友耍樂。 雖然我結左婚都8年，今次特別去參觀婚宴場地令我諗返好多當年結婚的點滴，又想到出年皮皮當花仔又好開心～ 現今的婚宴和結婚細節跟8年前都有好大分別，多了很多心思❤️ any肥，感恩我與丈夫能組織幸福小家庭，攜手共渡第8周年，衷心祝福快將踏入人生另一階段的你們好好幸福下去，大日子順順利利！ ClubONE – One Bay East 海濱長廊 (觀塘海濱道83號One Bay East東座Citi Tower 1樓) 港鐵牛頭角站 B6 出口, 步行約9分鐘 #ClubONE好唔好 #Wedding #婚宴場地 #擺酒 關於daidai ＆ pipi： Daidai ＆ pipi 的快樂魔法 博客： Blogspot ． MyBB.com.hk星級Blogger ．ohmykids Beauty Exchange ． she.com ． elle ． WeShare ． ubeauty ． 88db instagram：daidaipipi http://instagram.com/daidaipipi/ 微博：http://weibo.com/daidaipipi email: yuijoan@gmail.com
