上年年尾我地皮家張奇妙處處通到期後，都仍未有機會續証⋯心裡真的好想迪士尼啊～ 不過今日真係超開心! 謝謝《香港迪士尼樂園》邀請~ 今日皮皮有得去迪士尼玩呀! 迪士尼由2016年3月17日至5月29日期間舉行「花蛋節」! 皮皮問:「係咪有得掘復活蛋呀?咁咪好好玩???」 哈哈~~~ 差唔多啦! 「花蛋節」期間整個樂園會遍佈「花蛋」! 當中有70隻以上係迪士尼人物黎架!!! 春日來迪士尼樂園玩就可以玩「猜猜誰。尋尋蛋」遊戲~ 「奇妙處處通」會員更可在3月中開始每星期到樂園換取一款珍藏版迪士尼「花蛋」! 好有衝動集齊全套呀!!!!! 這天實是傳媒預覽活動.... 雖然未有得尋蛋住....但皮皮都好乖聽足全場發佈會! 當中公佈今年「花蛋節」所有新推出活動，聽落好好玩～ 真心期待花蛋節期間來玩呀！ 迪士尼去年邀請了大專院校學生為米奇米妮設計新服裝～ 當中選用了理工大學時裝及紡織系李璟希Louis Li 同學的設計！ 米奇米妮新look好有春日氣息好靚～ 皮皮知道Louis 姐姐係大學生表示好景仰(☆_☆) 因為佢覺得讀到大學好勁！哈哈！你努力d讀書咪得lol⋯ 粉紅粉藍粉紫粉綠粉黃～好美啊！ 春日粉粉的米奇米妮會在「夢想花園」和樂園酒店翠樂庭餐廳同大家見面～ 愛集郵必定要去影靚相！ 另外在花蛋節期間，米奇與一眾好友會換上充滿香港特色新裝，在美國小鎮大街和賓客見面～ 米奇米妮以香港巿花洋紫荊做主題，加上牛仔look好型！ Donald Daisy 以紅白藍的經典出場！好有香港特色！ Goofy 件tee係會展中心～ Pluto 有新狗牌，不過要近睇先知係乜！ Chip and Dale 兩隻小松鼠好鬼馬(^o^) 佢地件tee係電車和渡海小輪～ 我最中意Duffy 和 ShellieMay，係蛋撻和雞蛋仔！呢兩樣食物我和皮皮都好中意食~~~ 一共10位迪士尼人物~~~ 究竟我可唔可以集哂全部郵呀??? 要多多來迪士尼玩至得!!! And then.... 最驚喜係見到「大英雄聯盟」的醫神呀!!! 漲卜卜真係超得意! 醫神仲識眨眼架! 佢會在「動畫藝術廊」和大家見面架! 有睇Disney Channel既小朋友一定識小公主蘇菲亞~ 心地善良的她好可愛呢~ 蘇菲亞公主會在「童話藝坊」，即是睡公主城堡商店門口，近愛莎安娜的拍攝位置跟大家見面。 發佈會當日我地仲率先品嚐迪士尼樂園在花蛋節期間新推出的食物和甜品~ 蘇菲亞公主Cupcake好靚呀! 是紫薯X藍苺小蛋糕~ 好好味呀! 皮皮黎到不停食食食，不停大叫好好味! 另外樂園的餐飲都加入全新春日菜式~ 醫神包包係咪好得意呢? 除左入樂園內的餐廳有好東西吃外，迪士尼好萊塢酒店會有全新「BB-8蛋糕製作班」及「Tsum Tsum 蛋糕教室」，自己DIY美味又得意爆澎的蛋糕~ 3月初可致電電話服務中心熱線 3510 6000預訂，真係要快D報名呀! 「花蛋節」又點少得Shopping呢? 我至愛嘅Duffy呀~~~~~ 巧打耳!巧打耳!巧打耳! 好想帶哂佢地返屋企呀~~~ Star Wars 出左大量精品，皮皮睇中左個R2-D2嘅時鐘，又真係幾有型! 我留意到有黑武士爆谷盒，食爆谷可以買返個，超型!!! Star Wars 仲出左Tsum Tsum 公仔~~~ 救命呀! 咁多隻! 又要儲..... 皮皮在 迪士尼花蛋節 玩得好開心! 佢拎住個大相框話自己好! 大! 力!!!!! 仲同左2016迪士尼親善大使 Sara 姐姐合照！ 只要大家放米奇耳朵在頭上，上載相片到Facebook/Instagram/Twitter, hashtag #shareyourears 迪士尼就會捐5元美金到願望成真基金～ 幫助有需要的小朋友 :D 由2016年3月1日至7月20日，「奇妙處處通」會員專享「好友同行」優惠~ 會員可以$328帶好朋友一同遊園，慳好多! 一齊玩好開心~~~ 去完「花蛋節」傳媒活動，皮皮就去左玩巴斯光年bang bang槍，仲去左火箭餐廳食左「黑武士」星球大戰漢堡包套餐! 今日皮仔都幾乖乖~ 最乖係回到家快快手做埋D功課~haha~~~ 有時間寫多篇跟皮皮遊迪士尼的點滴啦! 想了解多D「迪士尼花蛋節」活動詳情就到 www.hongkongdisneyland.com遊覽~ 10周年 Happily ever After! 關於daidai ＆ pipi： Daidai ＆ pipi 的快樂魔法 博客： Blogspot ． MyBB.com.hk星級Blogger ．ohmykids Beauty Exchange ． she.com ． elle ． WeShare ． ubeauty ． 88db instagram：daidaipipi http://instagram.com/daidaipipi/ 微博：http://weibo.com/daidaipipi email: yuijoan@gmail.com
