每逢週末皮皮都要上堂，雖然辛苦少少，但每次落堂後就好開心，因為Daddy Mammy 實帶皮皮去玩！ 今日我地去左荃灣愉景新城跳彈床～興奮到爆炸！阿皮係極之喜愛跳跳跳，跳得多都高D⋯⋯哈哈！ 愉景新城 x SweetWalk「吹氣彈彈迷城」 係一個比小朋友狂跳吹氣彈床既歷奇樂園，由10月10日至11月1日，一連四個週末+公眾假期重陽節（10月21日）同小朋友齊齊歡度Halloween（≧∇≦） 一黎到皮皮即刻同SweetWalk主角棉花糖Fuzzy 影番張相先！彩虹雲雲好可愛^o^ 呢度玩遊戲係用Token，一張Token$10，充氣遊戲就用3-6個Token，每個Game玩5分鐘；另外高度限制90-150厘米既小朋友～ Halloween期間有DIY創意Halloween工作坊，面部彩繪親子攤位活動及扭扭汽球攤位；除左玩，仲有食！這裡有雪糕、爆谷、棉花糖售賣～節目都幾豐富！ 充氣遊戲一共有六個，皮皮自己數自己摵Token，好醒目，數口佢最叻！另外每玩一個充氣Game，就有1個印仔，齊哂6個印仔可以換禮物～ 今日仲約左朋友仔一齊玩！等埋妹妹期間皮皮又黎Yeah住影相！ 小朋友最想玩：Choco 迷城 （高度限制90厘米或以上） 呢個Game係「三合一」既！有：迷宮、障礙及滑梯～ 我見皮皮和妹妹好忙，不停左穿右插，媽媽在迷宮外看不到，但每隔十幾廿秒就見d細路哥笑住瀡出黎，然後又入返迷宮裡，好好玩！ Fuzzy 蹦蹦跳 呢個Game都係「三合一」吹氣，包括彈彈跳、障礙及滑梯 (高度限制90厘米或以上) 同樣地，好忙呀！忙住跳、忙住瀡，皮皮進入忘我境界，叫佢企定定比你影張相睬你都傻，不如狂跳好過！ 勝者為王 - 平衡力大測試 (高度限制90厘米或以上) 外型成個大蘑菇，咪以為齋跳咁Dry⋯⋯ 原來兩隻小鬼都話好好玩！不停轉圈跑跑跑@@ 一失平衡成個跣低，然後哈哈大笑＼(^o^)／大蘑菇推極都唔跌，但個人仔跌，好搞笑！ 迷你城堡 (高度限制90-150厘米) 又係左穿右插既Game！最正係一瀡就跌落波波池！在波波池係無限開心既～不過個波波池太細，細路哥就瀡得勁快，冇得在波波池游水（≧∇≦） 為食巨人 (高度限制90-150厘米) 狂跳吹氣彈床，皮皮都唔會覺得悶*\(^o^)/* 呢個大巨人Dummy入要唔止齋跳咁簡單，仲有障礙玩，跳得太興奮！ Last Game: 挑戰極限 - 最大吹氣障礙遊戲 (高度限制90厘米或以上) 睇落呢個吹氣彈床真係幾難，關卡多要爬很高，滑梯又很斜，但剛到90cm既BB 都玩到！好勁！又不停來回，大笑又尖叫，玩得好開心！ 提提媽咪們就得為小朋友準備襪子跳彈床，大會都很貼心為沒襪子的小朋友提供白襪～ 計媽媽話，環保D又衛生D，梗係著自己襪仔啦！！ 另外都要讚讚Sweetwalk 既哥哥姐姐，好耐心咁解答皮皮的問題。。。佢而家真係問題多多～～～ 另外有小小意見，如果職員可以在彈床範圍內位置照顧小朋友就好一點，例如最大吹氣障礙遊戲爬上山位置，有職員睇住，或者幫手抱下小朋友，家長會安心一點。 最後完成6個吹氣遊戲，可以換到小禮物！簡簡單單的飲品和餅乾，玩完可以補充下體力！ 如果SweetWalk再舉辦，我地再來玩啦！ 愉景新城 x SweetWalk吹氣彈彈迷城 日期：2015年 10月 10日至11月1日一連四個週末 時間：上午11時30分 至 晚上7時30分 地點：愉景新城 (荃灣港鐵站A3出口) 費用：每個遊戲HK $20至$60元 關於daidai ＆ pipi： Daidai ＆ pipi 的快樂魔法 博客： Blogspot ． MyBB.com.hk星級Blogger ．ohmykids Beauty Exchange ． she.com ． elle ． WeShare ． ubeauty ． 88db instagram：daidaipipi http://instagram.com/daidaipipi/ 微博：http://weibo.com/daidaipipi email: yuijoan@gmail.com
