嘩!睇見都流口水(^○^) 呢排日日都比流心芝士撻洗版,搞到我都好想食啊!但係我排唔到隊⋯間間都排咁耐,咁點先?! 前幾日見到有網頁介紹灣仔開咗間流心芝士撻嘅鋪頭~於是星期六帶完阿仔上堂就過黎買返幾件! Cake Lab 原來係美心集團,以前呢個舖位係黃咁咁既美心西餅,搖身一變變成以藍白色為主的小清新西餅店,路線年青得多~ 我是星期六下午來的,諗住要排,點知冇人排⋯ 唔通唔好食?定係d人唔知有芝士撻賣? 餅店大部分位置係賣麵包~ 但麵包的種類同一般既美心西餅唔同,這裡居然有極大菠蘿油! 店員話Cake Lab既麵包、西餅和芝士撻係呢間餅店既師傅自己整,唔係美心廠房送黎,新鮮熱辣,款又多,又特別一點~ 如果我呢頭返工,我實日日過黎呢度買早餐架! 雖然唔洗排,但我想買果時咁啱賣哂。。。唯有等出爐!仲正啦~!~! 等出爐都係7分鐘,行下企下就有得食! 軟心芝士撻$14一件,買5件送1件,$70半打,都好抵食! 嘩!出爐啦!勁香呀~~~ 我係芝士怪!見到都流口水~ 店員哥哥話趁熱食最好味!雪凍食又得!凍左想翻熱就用焗爐焗番熱好食D~ 我買左3個,一家分享,老細們大讚好好食!!!芝士係流架~~~~ 小心燙口!流心芝士非常之Creamy~我地就覺得好好食!係餅底冇乜特別,同平時既蛋撻底一樣⋯ 我地冇食過半熟工房和BAKE,但係美心有呢個質素,大眾價錢,係令我很驚喜!我想我每星期都會上完堂買返件囉@@好味好味呀! 最後貼多幾張甜品相~ Cake Lab既甜品/西餅同一般美心西餅唔同架!感覺係高檔好多!款式又靚既~ 都有d興趣試下~:P 蛋糕款都係唔同D,我係見住個女師傅整好立即拎出黎放入蛋糕櫃,灣仔區買麵包蛋糕又多個好選擇了! 地址: Cake Lab 灣仔安康商業大廈地下2號舖 關於daidai & pipi: Daidai & pipi 的快樂魔法 博客: Blogspot . MyBB.com.hk星級Blogger .ohmykids Beauty Exchange . she.com . elle . WeShare . ubeauty . 88db instagram:daidaipipi http://instagram.com/daidaipipi/ 微博:http://weibo.com/daidaipipi email: yuijoan@gmail.com