好開心！真係超級開心呀～～～ 平時返工返學令我們生活很緊張，皮皮自從識得數日子之後就成日期待著星期六、日，因為他知道一到weekend就是可以跟爸爸媽媽一齊玩既日子！ 這天真是好開心～謝謝香港沙田凱悅酒店邀請，我地上星期六、日入住了這裡，參加「夏日家庭度假營」，享受了一個短假期，叉一叉電～！ 之前我地都來過沙田凱悅食Buffet架！印象食物很不錯，食得好開心～今次就來嘆２日１夜，開心既指數更加爆燈！ 酒店安排了一間行政雙套房給我家，一來到有Welcome fruit 和 窩心的手寫咭～ 一入到房間內，成家人都大叫，超大的行政雙套房！！！我地都未試過住咁大間酒店房，皮皮好似玩迷宮咁不停找新發現！ 行政雙套房有一個客廳、兩間睡房，地方非常闊落，適合大家庭或2個家庭入住～ 有一刻衝動想叫埋屋企人／朋友仔一齊來玩啊！ 洗手間都超大，Twins room當然有兩個浴室啦！客廳仲有一個客廁，勁呀！酒店知道我地帶小朋友入住，還細心安排嬰幼兒沐浴露，日常用品亦很齊全～ 皮皮覺得最好玩係全玻璃浴室，真係好新奇～～～ 客廳位置有個開放式廚房，廚具和餐具都很齊全，可以自己煮返餐呀！ 皮皮好興奮，周圍走，周圍跳，不停地講：「好大呀～好靚呀！媽咪，呢度有個衣櫃呀～張床好舒服呀！」 彈！彈彈～ 嘩！嘩嘩～ 皮皮仲不停叫我幫佢影相留念～而家佢好中意影相，因為識得睇返相回味去過既地方，沙田凱悅是個很值得回味的快樂回憶啊！ 窗外的風景很美啊！來到心情完全放鬆哂～呢２日１夜我們非常善用這個房間，因為真心HEA真心休息，我們都很懶惰，沒有出外玩，只享受沙田凱悅酒店帶來的悠閒和舒適～～～ 皮皮話要記念這天，所以好俾心機咁寫左今日日期，記錄著這天的幸福和快樂＞＜ 在套房裡HEA完一大輪，我地就一家落酒店平台行下，呼吸下新鮮空氣～ 皮皮參加左「夏日家庭度假營」兒童活動，這裡有一間 playroom係專比小朋友來玩來學習的！裡面有好多玩具和圖書，小朋友來到實中意～ 不過今日有個特別任務，是參加「環保小園丁」 (4至12 歲適用)，酒店的哥哥姐姐會教小朋友用塑膠瓶循環再造小盆栽～ 兒童活動是小朋友自己獨立玩的，起初皮皮唔想爸媽離開他，但最終哥哥姐姐用愛心感染佢自己留在playroom裡，意外皮仔今日都好乖乖啊！ 兒童活動時間為一小時，這時侯我兩公婆就在酒店裡周圍逛逛，沙田凱悅周圍也是園景，真係好耐都冇睇過咁多綠色植物，仲見到新人在這裡舉行婚禮，好浪漫啊～！ 酒店大堂有部自拍機，我兩個傻瓜就玩左一大餐，話時話，我都好耐冇同老公合照過，我地相機大部份既相都係影阿囝的，難得的甜蜜啊！～！～＠＠ 一小時好快過，我地去 playroom接返皮皮時好驚喜呀！皮皮居然好乖咁自己坐埋一角看圖書，另外枱上有幾盆盆栽，我一看就知哪盆是我阿囝的，你看這盆栽DIY的設計，愛貼滿滿貼紙、愛綠色的盆子一定是皮皮啊！ 看到這個盆子設計，就知道皮皮好享受DIY的過程，皮皮更向我介紹盆栽裡的羅漢松樹苗是從花園裡移植過來～ 媽媽真是好驚喜！感謝沙田凱悅很細心教小朋友以環保膠樽造小盆栽，還教小朋友們要愛護大自然，阿囝吸收哂！又學到新野～ 這是我意料之外的！ 完成「環保小園丁」再去遊樂場放電～ 酒店有個小公園俾孩子玩的，很讚啊！可以去放電～！！！ 放完電皮皮話好肚餓～剛好這時可以去咖啡廳吃 Dinner Buffet，時間啱啱好！Buffet好多野食，下篇再詳細分享啦！ 我地足足食左２個半鐘，食飽飽回房間洗白白，玻璃浴室真係超正呀！皮皮勁開心～沖涼時可以望出房睇電視，好好玩呀！浴缸好大，皮皮玩左好耐水～哈哈哈！沖涼變得很好玩～真係好開心架！ 晚上我們一家坐在窗台上傾計看夜景，真溫馨～這晚豬仔睡得很香甜呢！ 睡到自然醒，又到新一天！皮皮又寫日期記錄愉快的一天～ 早上我們回到咖啡廳吃早餐，早餐好豐富滿足啊！ 早餐的款式都以健康為主，媽媽更發現有沙田雞粥，好好味～來到記得必品嘗！ 果醬都咁多瓶！我選了草苺味真是很好吃～～～ 吃飽就去游水～皮皮今年真係大個左好多！佢以前係驚水架！昨晚經過這泳池居然大叫好想入去玩水！ 今朝就完他心願去游水～皮豬好開心啊！爸爸媽媽亦好驚喜阿囝會中意左去泳池，我地平時好少接觸泳池的，今日可以大玩特玩了！ 泳池旁有個水吧的～玩到累的話可以來這裡點飲品和小食～ 我地在池畔酒吧享用清涼夏日特飲2杯，是夏日package包的，超級清涼，爽哂！ 游完水就返回房間HEA，如果你好動的話可以到健所房做Gym或預約單車，大／小朋友單車都有架，可以去附近吐露港踏２小時～ 但我們實在太HEA，休息叉電最緊要，衣帽間有塊大鏡無無聊聊又可以自誤一番！！！ 我地真係HEA架！好快又到check out 時間，離別前我地去左餅店換蝴蝶酥吃，這蝴蝶酥碰巧在入住期間玩酒店遊戲得來的，蝴蝶酥好好味！其實我地想買埋蜂蜜蛋糕架～可是下午我們打算到沙田逛街，蜂蜜蛋糕需雪藏的，下次有時間我必定要買個蜂蜜蛋糕回家吃！！！ 酒店大堂有蘋果／柚子飲品免費提供，食完蝴蝶酥飲返杯解喝消暑很不錯啊！ 今年暑假我們沒打算出外旅遊，沙田凱悅酒店 的「夏日家庭度假營」 正好補償未能外遊的機會，很適合一家大小來享受天倫之樂，孩子又開心又學多左野，大人可以好好Relax，叉一叉電又努力工作過！ 另外我們喜歡這裡環境很好，面對中大及吐露港風景實在太美好，很有渡假感覺～ 沙田凱悅周邊有很多景點，酒店有穿梭巴士提供，很方便！ 離開酒店後我們到了沙田新城市行街影Minions，如果有機會我們都會再來，今次因為晏左黎check-in 唔多夠喉，下次來一定會玩盡d和買蜂蜜蛋糕吃啊！ ［夏日家庭度假營］ 香港沙田凱悅酒店推出特別夏日住宿優惠，讓您不用舟車勞頓便可享受香港酒店都市綠洲寫意住宿，同時體驗親子郊遊樂趣。 以「夏日家庭度假營」入住酒店的客房或套房 ，可選擇以下1項兒童活動： 環保小園丁：用塑膠瓶循環再造小盆栽 (4至12 歲適用) 曲奇製作班：烘焗及裝飾獨一無二的曲奇餅 (4至12 歲適用) 潛泳樂遊戲：挑戰各項刺激的水上活動 (4至12 歲適用) Melo Spa水療中心兒童手部美甲 (5至15 歲適用) 「凱悅兒童營」日程活動1節 (4至12 歲適用) 「夏日家庭度假營」更包括以下精彩優惠： 咖啡廳自助早餐 於池畔酒吧享用清涼夏日特飲2杯 使用酒店單車2小時（每位登記入住賓客1輛） 免費通宵泊車（只限1輛，最多24小時） http://hongkong.shatin.hyatt.com/ 關於daidai ＆ pipi： Daidai ＆ pipi 的快樂魔法 博客： Blogspot ． MyBB.com.hk星級Blogger ．ohmykids Beauty Exchange ． she.com ． elle ． WeShare ． ubeauty ． 88db instagram：daidaipipi http://instagram.com/daidaipipi/ 微博：http://weibo.com/daidaipipi email: yuijoan@gmail.com
