好開心呀!迪士尼《魔雪奇緣》冰雪小鎮 已經開幕啦! 我這個迪士尼粉超期待,開幕第一日就約埋朋友仔黎玩,唔知會唔會見到Elsa 和 Anna ? 快來投入 Let '熱' go~ 、涼浸浸的冰雪之旅! 今日真係好熱呀~ 好彩有水壼風扇涼下!夏天去迪士尼必備,最新出係Frozen 呀! 仲有今期「樂園指南」係小白和安娜,好靚呀!我有儲開「樂園指南」架! 《魔雪奇緣》冰雪小鎮 「夏雪節盛演」係限定節目,由6月11日開到8月30日,位置在灰谷山谷入口隔離~ 由於係限定,所以大家要一早入場取預約證,預約證於樂園開放後派發,聽朋友講早上11:30已派哂全日籌,而每日大約有10場表演,每場有300人,《魔雪奇緣》咁受歡迎,大家要快手呀! 好開心我地係第一批入來冰雪小鎮的賓客,一入到黎涼浸浸,好舒服呀!全場冷氣超正!真係唔想走@@ 呢度好有冰雪小鎮的感覺,好似《魔雪奇緣》電影入面既環境咁,充滿冰涼感覺! 一入到黎首先去睇SHOW先! 這裡是皇冠大劇院,有大舞台,台上有大雪山投影,好有氣氛啊! 這裡會上映一場20分鐘的音樂劇,由兩位熱情既小鎮居民帶大家一起重溫《魔雪奇緣》的經典場面同埋多首大熱歌曲!仲同在場賓客一起大合唱! 形式好以卡啦OK咁,有哂字幕比大家一齊跟住唱,在場的小朋友每首歌都瑯瑯上口,好勁呀! 我自己好中意《Do You Want to Build a Snowman》、《Love is an Open Door》 及《In Summer》呢幾首歌,我都一齊唱埋一份! 我就好期待各位《魔雪奇緣》的主角出場!首先係安娜公主呀!嘩!好靚女!! 真的跟電影裡的安娜一樣可愛活潑,唱歌好好聽! 音樂劇的主角,安娜、愛莎和基斯托夫以英語演出,兩位小鎮居民以中文傳譯,在場亦有中文字幕,所以唔洗驚睇唔明,人人都看得好投入! 跟著是安娜公主靚相放送,好彩今日帶左部大相機黎影!迪士尼粉好開心呀!!! 點擊圖片放大 +3 而2位小鎮居民就好鬼馬搞笑,更好落力帶動全場賓客大合唱添! 之後基斯托夫出場啦!嘩!好高大靚仔!點解同電影裡的樣子一模一樣架?激似呀! 點擊圖片放大 最後到愛莎出場!全場也尖叫!愛莎真係好受歡迎呀!~~~ 愛莎黎到,當然要唱首超級勁HIT 的「Let it go」啦! 連放冰動作同電影一樣架!愛莎一放冰,在場就會有噴煙效果,真係好精彩! 而且一邊看音樂劇,天上就一邊魔幻飄雪,令賓客開心又興奮!像真度極高!!! 最後幾位主角仲企定企比大家影相! 但係就冇得跟賓客一齊影。。。如果想同愛莎和安娜合照,就要去到睡公主城堡旁取預約證影相啦~ 而基斯托夫在完SHOW後會出到夏雪節廣場跟大家見面合照! 安娜和愛莎兩姊妹好sweet呀! 音樂劇真係好好睇,如果多d時間見到各位《魔雪奇緣》主角就好了! 睇完音樂劇,我地去左夏雪節廣場玩!一出大劇院就見到雪人小白,好得意呀!即時集郵!!! 夏雪節廣場玩今日好熱鬧,全場都是雪地,大家避免著高跟鞋/涼鞋去呀!確實有少少跣~~~ 呢度可以堆砌雪人,又有d冰模比大家整下城堡,好好玩,涼浸浸好正呀! 中間有馴鹿斯特可以拍拍照,但實在太多人埋唔到身呀>< 最好玩係「雪橇練習場」,充滿速度感,真係好刺激!!!個個上親去都尖叫落返黎,好想玩多幾次! 「雪橇練習場」小朋友都玩得,3 - 5歲小朋友可由成人陪同坐同一架雪橇,5歲以上可以自己玩~ 再到奧肯交易站小食亭,有好多特色小食~ 3D小白紀念杯好得意呀! 幾款小食中我選了小白迷你窩夫試下($40),因為造型真係好得意呀!睇住部機整新鮮出爐,非常暖笠笠!窩夫入面係紅豆涵,仲可以點朱古力醬和毛士,都幾好味架! 而這裡的商品店獨沽一味賣《魔雪奇緣》的商品!淨係FROZEN都咁多產品,FANS真係大出血@@ 小白真係好搞笑! 小女孩必備安莎女王及安娜公主裙啊! 去完《魔雪奇緣》冰雪小鎮 身心都涼浸浸,而且腦袋中哂FROZEN毒,成日哼著FROZEN的大熱歌曲~FROZEN的歌真係好好聽,百聽不厭架!迪士尼粉絲快來玩啦~~~ Let it Go~~Let it Go~~~~ 更多關於樂園的資訊:www.hongkongdisneyland.com 關於daidai & pipi: Daidai & pipi 的快樂魔法 博客: Blogspot . MyBB.com.hk星級Blogger .ohmykids Beauty Exchange . she.com . elle . WeShare . ubeauty . 88db instagram:daidaipipi http://instagram.com/daidaipipi/ 微博:http://weibo.com/daidaipipi email: yuijoan@gmail.com