唔好意思⋯ 我又寫OUT 文⋯759 十二蚊店都開左一段日子,大家有冇去逛過呢? 其實我在開張兩星期後去過一次,相片都整理好哂,但掛住玩就擱置左呢篇文章,在草稿匣收埋左好耐=_= 都係唔好講咁多,我去的分店是荃灣 荃新天地二期 759 十二蚊店。 荃灣這12蚊店真係好大!貨品有很多,有很多古靈精怪野賣,你又會否買呢? 首先最正常有好多塑膠製品,有D仲要係Made in Japan,品質不錯呀!最少沒有臭膠味~ 咦~我咁啱想買張Micro SD card,12蚊咪超爆平囉!!! 深水埗黃金最平明明都六/七十蚊架! 再睇真D!我唓~原來係Micro SD Adapter⋯ 請問⋯有冇人諗過在12蚊店找Micro SD Adapter??? 呢樣野,相信冇乜人知係乜&識點用⋯ 係夾厚紙夾個punch!既係個夾夾機,唔知點形容,返工咁多paper work 都冇乜機會用到⋯ 點解既?點解把較剪彎既? 原來係for你剪報紙,彎彎地,咁剪大張報紙時可以順住剪! 但係而家係online睇新聞。。。 呀!唔係,我都有剪報架!每星期都會幫皮皮做新聞剪報,但係用界刀cut咪得?! 睇完咁搞野既較剪,仲有「磨利刀」! 知唔知呢舊咩黎?起初我真係諗唔到。。。 見到呢個碌就明啦!油油漆呀! 見到幾排貨,空哂既?咁好賣?咩黎架??? 原來係量米杯!真係咁好賣?但之後睇到另一個貨架有好多,相信係店員拆哂落黎做出既「假象」。。。屋企米缸量杯係唔會爛,好少機會買到呢個量杯~~~ 量好米就洗米啦!有左呢個洗米器,咪唔洗用五指山囉!或者煲完飯,搞鬆熟飯,都好方便! 打火機防風器~好得意喎~但我屋企一個打火機都冇。。。 一套三件的量匙,啱哂中意煮野食既朋友仔! 香港居住地方小,掛件衫都冇位,有左呢個衣架,就可以掛到六件衫!仲好整齊!YEAH! 很多地墊,是地毯質感的,挺特別~ 見到這支,笑左!!!屋企邊度會整燒八爪魚丸啊???旺角果間「銀?」八爪魚丸好似都執埋,其實我好中意食架。。。 好得意既笑哈哈囝囝,係比小朋友學揸筷子!可愛萬歲! 我有興趣買這些飯團模架!但諗諗下。。。我係無飯煮婦:P 呢個我都覺得搞笑>< 是14cm鍋蓋,要搵個 FIT SIZE既煲都難,咁細個,吉野家個鍋都唔啱'CUP'。。。 最後這件貨!咩黎架??點用架???我諗到啦!是一塊銀色既大鋁質膠墊,當你去露營時可以包住自己保溫,又可以防水,日文寫「災害時之簡易防寒具」。。。我唔想遇到「災害」呀!救我呀!買定呢塊野(究竟叫咩野好?),就可以「防災」,哈哈!!!太勁!!! 雖然都有幾多無謂野,但都有好多實用產品等你發掘架!中意逛家品店就會喜歡~我中意759十二蚊店夠企理,貨品分門別類的,而且真係好多實用小貨賣呀! 我的759系列: 759朝聖系列:759 Skyland + 759 Cafe 好與雷小物 @ 759 kawaiiland [Shopping] 閒逛759超級巿場+心水貨品推介~ 用牛奶糖沖涼~~ SWEET**SWEET** 冇焗爐,點食焦糖味KitKat呀? 759 Kawaii Land 收獲之 - 明色有機玫瑰化妝水 小小敗@ 759 Kawaii Land 關於daidai & pipi: 博客: Blogspot . MyBB.com.hk星級Blogger .ohmykids Beauty Exchange . she.com . elle . WeShare . ubeauty . 88db 媽媽專欄: shemom.雙職媽媽daidai Guest-writer Email: yuijoan@gmail.com Facebook: http://www.facebook.com/joan.cheng Fanspage:https://www.facebook.com/daidaipipi 新浪微博:http://weibo.com/daidaipipi follow me on instagram: search: daidaipipi http://instagram.com/daidaipipi/ Daidai & pipi 的快樂魔法 宣傳你的專頁