「759乜乜乜」是香港人生活的一部分了！香港人的生活都繞著759了！無論去到邊，梗有一間759在左近！ 唔好口水多過茶⋯當人人去左「759 12蚊店」朝聖，小妹先剛好朝聖完位於大埔超級城的「759 Skyland」，我知開左好耐⋯亦有好多朋友分享左、寫左blog ！我係「勾」架啦！759雲吞麵我食左幾次都冇寫過，趁有時間有記憶寫返轉759系列朝聖之旅啦！大家又睇下最近有咩賣啦！ 大埔超級城我一年前來過，759Skyland 呢個3000呎既舖位，果時明明係冒險樂園，我黎倒過水架！同一個舖位今次再倒水，又洗左我幾舊水，我絕對是敗家媽咪⋯ 759 Skyland感覺似迷你百貨公司，就好似 citysuper、log-on 果隻feel，但親民好多！ 一入759 Skyland 大門就見到幾套韓國日用品套裝，$3xx仲有折，好大盒乜都有送禮自用都不錯！ 門口左手邊是Kawaii Land 賣既藥粧產品。喂！多多女人的是，好多野賣，真是新奇有趣樣樣都想買！ Kawaii 呢邊我唔多講，我執左兩件台灣貨仲平過在台灣買！想找千頌伊髮尾油不過冇貨，有好多正貨都比人買哂，想要都冇。。。 中間位就似百貨公司賣既野，女士服飾多，所以759 Skyland應該係做女性巿場，我老公坐埋一邊乜都冇睇過XD 韓國帽子多的是，冷帽質地都唔錯，另有很多棒球帽，在場不少女仔試戴～ 姆明包包好靚呀！仲有好幾款姆明的產品～這皮手袋原價＄399，有折都唔算好貴～ 大量韓國女裝，不過。。。可唔可以入些款Young D???款式啱30－40代女士，以黑白灰為主，真是唔多吸引，仲有唔大減價呢堆冬天衫賣唔哂等出年再賣咩？而家D 韓國服裝店出春裝了！ 另外有不少童裝／嬰兒裝，有沒有媽媽想買？？？我阿囝話唔中意，可以慳返了！ 有個角落我蠻喜歡的！因為係杯、碗、碟！D餐具好靚呀！日本製！正呀！！ 真係好想買這些陶瓷製品，想買個日式茶壼送比我媽媽，好靚好靚～ 這套貓頭鷹系列我好中意呀！隻碟好可愛，在旁的器皿都好cute！ 轉個彎賣日本、韓國襪褲，唔貴，買得落手架！ 另一邊是韓國公仔襪，好得意，左邊的＄12一對，很便宜，質地都幾好架！平過淘寶啦！ 右邊的Hello Kitty襪都好便宜，＄15一對，勁多款，比去精品店買平好多，喜歡的記住執幾對！ 還有少量韓國文具，如果759入到Oohlala就好啦！～～～ 還有在759寢具屋見過的地毯、抱寢、香薰包，娥B那個是不是超可愛的說？？？ 你睇阿皮！咁開心！因為有玩具囉@@ 皮皮驚喜有超人和怪獸賣！點解D 男孩子會中意超人怪獸架？？怪獸個樣咁肉酸@@ 轉個頭，手持2個怪獸，皮皮仲話好靚，哎呀～～～～ 怪獸對面是麵包超人，cute好多，BB仔玩具多～ 仲有超級大熱的Frozen公仔，媽媽會否買給女兒玩？？？ 759 Skyland都有不少BB用品，好多韓國尿片、BB洗護、BB杯碗售，有寶寶的媽咪應該樂透！ Shopping完，可以坐在759 Skyland入面的 759 Cafe食少少野，飲返杯～ 睇下menu，以輕食為主，一目了然～ 熱飲有即沖奶茶、咖啡、朱古力，另有現成支裝／罐裝飲品賣，同屋企樓下間759賣的都一樣。 食物是現成的蛋糕、迷你薄餅和三文治，特別在有馬卡龍吃。 Cafe環境簡潔優閒，田園系擺設，大約六張4人枱，來坐坐感覺都幾舒服。 我點了Tiramisu 、 Cheese Cake和 Macaron 吃。 Tiramisu乾身左少少，中間的cream 唔夠soft，唔知係咪雪得耐，＄20一件，我覺得老麥好吃好多。 老公食 Cheese Cake，佢話幾好味wor，但我比較奄尖，我過得唔夠芝士香，餅底不是曲奇餅底唔夠脆唔算好味囉。。。 另外買了2件Macaron比皮皮食，阿皮食左一啖放棄，我再試下，真係好鬼甜，甜到連小朋友都唔想食。。。 三份甜品每份＄20，759會員卡冇折，正常價錢。 唔明點解三件甜品要在旁加D 雜果和 cream，搞到件cake濕笠笠，macaron就溶到一pat pat，仲衰。。。下次食叫廚房咪加好過加，D雜果係罐頭雜果，唔多好食。 食飽買完野走人，我買了些藥粧，下次再分享戰利品，皮皮冇買怪獸呀，哈哈～～ 我的759系列: 好與雷小物 @ 759 kawaiiland [Shopping] 閒逛759超級巿場+心水貨品推介~ 用牛奶糖沖涼~~ SWEET**SWEET** 冇焗爐,點食焦糖味KitKat呀? 759 Kawaii Land 收獲之 - 明色有機玫瑰化妝水 小小敗@ 759 Kawaii Land 關於daidai ＆ pipi： 博客： Blogspot ． MyBB.com.hk星級Blogger Beauty Exchange ． she.com ． elle ． WeShare ． ubeauty ． 88db 媽媽專欄: shemom．雙職媽媽daidai Guest-writer Email: yuijoan@gmail.com Facebook： http://www.facebook.com/joan.cheng Fanspage：https://www.facebook.com/daidaipipi 新浪微博：http://weibo.com/daidaipipi follow me on instagram: search: daidaipipi http://instagram.com/daidaipipi/ Daidai ＆ pipi 的快樂魔法 宣傳你的專頁
