承上回:^☆♪長洲櫻花盛放了!ʕ •ᴥ•ʔ http://daidaipipi.blogspot.hk/2015/02/blog-post_23.html 初三這天我們皮家與朋友仔到長洲玩!嘩!真係爆勁多人呀! 碼頭一帶海傍街,有好多街邊檔可以勁掃街,非常熱鬧! 就這樣開始我們的吃貨之旅了! 往長洲的大船坐滿人,阿皮滿心歡喜的準備落船啦! 一來到長洲,兩隻小鬼居然係食蝦條先。。。 我地在街邊買左5蚊3件煎釀三寶,粒炸魚肉好大舊,熱辣辣好新鮮!!! 之後去到長洲特有的鬆弛熊和Hello Kitty夾餅店! Hello Kitty側邊有兩舊屎狀夾餅!哈哈,好過癮! 我和皮皮都是鬆弛熊fans,梗係食鬆馳熊夾餅啦! 皮皮就好中意食個邊,脆卜卜!成個熊樣好搞笑呀! Hello Kitty夾餅淋左煉奶和花生醬後冇左Kitty個樣。。。 唔知係咪事頭婆,見我地拖住兩隻小鬼,就主動叫我地入去店裡坐住食,唔洗一路行一路滴汁~~~ 幸好有位坐,小鬼門真係食得好攪搞。。。 既然坐底左,仲食埋呢度馳名小吃芝士焗帶子! 仲有焗蠔、焗龍蝦,由於坐住炭爐附近,真係熱爆!同時好香噴噴! 粒焗帶子上面有勁多烟肉洋蔥,熱辣辣,都幾好味架! 同一間店,食埋大大條薯片! 其實全長洲周圍都有薯片食,唔洗等! 同阿皮一齊食,所以只係落左紫菜粉,阿皮不停食食食,好味到仲想自己一個食哂! 比示下!邊個長D?!!! 即炸新鮮薯片真係好好味!脆卜卜,食到唔停得口!!! 海傍街太多人,於是走入內街逛逛,同出面完全兩個世界,好多店都沒有開檔~~~ 上到山頂看櫻花,昨天那篇分享過了! ^☆♪長洲櫻花盛放了!ʕ •ᴥ•ʔ http://daidaipipi.blogspot.hk/2015/02/blog-post_23.html 妹妹話想去沙灘玩,所以下山去找找~ 沙灘旁有個遊樂場,可以比小鬼們放下電~~ 然後碌落沙灘玩~~~ 執下貝殼@@一陣間小鬼們的鞋子充滿沙沙~ 阿皮好想除鞋玩,但我地冇準備衣襪啊。。。下次夏天再來玩過啦! 回碼頭方向我買了馬碲糕和紅豆糕,但沒影相,原來冇人鐘意食,得我自己食。。。 經過這個彩色情人鎖欄網,好靚呀! love love <3 <3 <3 落到去又食,黎長洲點可以錯過大粒魚蛋呢?! 去到廣場位置,見到傳統手拉麥芽糖叔叔,好似尋晚「東張西望」訪問佢,全港都冇乜人整公仔麥芽糖了! 好多大人小朋友圍住,仲即時整吹波糖,我都好想吹呀! 衰豬阿皮睇中左個「五角龍」!其實係隻有角既豬,我都唔知咩動物黎。。。 在阿皮心中是恐龍一隻@@ 唔知牛定豬定五角龍,五顏六色真係好靚,麥芽糖公仔$40,爸爸說有點貴,但之後覺得好值! 因為下午阿皮玩到好攰又眼訓,全靠呢支糖頂住,叫佢去東就東,去西就西,全程冇扭計,真乖仔!!! 經過甘永泰魚蛋店,哎呀~好多人,費事排隊。。。 因為諗住去允升甜品!芒果糯米馳好掛住你呀!!! 可是旺舖唔休做,允升初三冇開檔,初五先開呀,嗚嗚。。。 人太多怕冇船返香港,所以五點幾散水啦! 臨上船前在海傍街某店買左個芒果糯米馳,仲有大碌腸,皮皮食腸仔好yummy~ 大人就一人一個糯米馳,好好味呀!今次阿囝冇同我爭食啦!糯米馳皮薄,入面成舊芒果,非常香甜,超正呀!!! 好想食多舊。。。 我仲未食夠。。。 長洲太多好野食,下次找次少人D 既時候來多次,我要大吃特吃!!! 相關BLOG: ^☆♪長洲櫻花盛放了!ʕ •ᴥ•ʔ http://daidaipipi.blogspot.hk/2015/02/blog-post_23.html 關於daidai & pipi: 博客: Blogspot . MyBB.com.hk星級Blogger Beauty Exchange . she.com . elle . WeShare . ubeauty . 88db 媽媽專欄: shemom.雙職媽媽daidai Guest-writer Email: yuijoan@gmail.com Facebook: http://www.facebook.com/joan.cheng Fanspage:https://www.facebook.com/daidaipipi 新浪微博:http://weibo.com/daidaipipi follow me on instagram: search: daidaipipi http://instagram.com/daidaipipi/ Daidai & pipi 的快樂魔法 宣傳你的專頁