時光倒流一下近幾個月在759 kawaiiland買到的小物，有好有唔好，勝在唔貴，買得開心！ 首先我最最最中意，是這瓶「明色美顏水」！復古包裝，玻璃瓶盛載著，得80ml，細細支，集中修毛孔都不錯用的！ 點擊圖片放大 美顏水質地如清水般，但就有酒精味都幾強，如果酒精敏感既朋友就免了。。。 雖然我是乾性皮膚，這瓶主要給油性皮膚用，但我也好喜歡，因為清潔度和袪角質很好，抺後皮膚好乾淨！而且修毛孔好好呀！用了它T 字位好少出暗瘡，有少少涼涼地既感覺，夏天用來控油也好，減少浮粉嘛～ 玻璃瓶子很可愛，得80ML，慳住用在T-ZONE都OK用好耐。。。 第二瓶是髮尾油，超好用！十分推薦！ 確實個名唔清楚，但有個別名叫「千頌伊髮尾油」，全智賢在「星星」用過，所以好HIT！ 價錢幾十蚊，759Kawaiiland折左50幾蚊咋@@ 點擊圖片放大 質地是有少少厚的油狀，但塗上頭髮上是超吸收的，而且味道很好，清淡的香，好舒服～ 濕髮或乾髮用都可以，每次大約泵2－3下，一些都唔笠，本來很毛燥的頭髮，塗後變得順滑，減少開叉，頭髮變得輕盈，又有光澤，是女神的長髮！ 不知大家用過摩洛哥護髮油？那支真是好好用，但好貴。。。我覺得這瓶「千頌伊」髮尾油的效果亦相同，但便宜十倍！ 用過這瓶，之後再試用過港牌及日牌出的護髮油，都不及這支韓國出的好，而家用了一大半，好想再入貨！ 韓國唇膏，名字忘了，沒記下，純粹覺得包裝可愛，又想買支鮮色唇膏所以買了，價錢好像30多元。 但打開，原來不是鮮色唇膏，塗上唇就如潤唇膏一樣，超級淡粉紅色，冇料到，被騙了。 759 Kawaiiland有樣壞處就是唇膏、甲油沒有試色samples，很易中伏。 另一天又買了一堆小物～ 我蠻喜歡面膜可以單片買，次次都唔同口味，試多幾款，就算唔好用都係試一片啫～ 這瓶是沐浴露，包裝好靚呀！但唔好用，似洗潔精質地，透明的，用很皮膚很乾，會身痕。 「癒？美」面膜有幾款，買哂來試下，用哂3片啦！全都喜歡～ 一包內是分開眼膜和面膜的，可以先敷眼，後敷面，懶的話打孖敷都得！ Eye mask 夠大片又夠薄，非常多精華又貼面，都幾保濕架！ 另外face mask可以敷埋頸，非常全面，三片都唔記得係咩功效，買一片來試試都幾好玩！ 另外買了4包可愛面膜！對呢～是面膜！得個圓型，重點敷在想敷的位置，包包都唔同味，但好甜～右下的朱古力冬甩樣真係有朱古力味，甜到爆炸，幾蚊包一包都有十塊八塊都抵玩，護膚作用就真係冇乜，叫做得意下啦！ 相關BLOG: [Shopping] 閒逛759超級巿場+心水貨品推介~ 用牛奶糖沖涼~~ SWEET**SWEET** 冇焗爐,點食焦糖味KitKat呀? 759 Kawaii Land 收獲之 - 明色有機玫瑰化妝水 小小敗@ 759 Kawaii Land 關於daidai ＆ pipi： 博客： Blogspot ． MyBB.com.hk星級Blogger Beauty Exchange ． she.com ． elle ． WeShare ． ubeauty ． 88db 媽媽專欄: shemom．雙職媽媽daidai Guest-writer Email: yuijoan@gmail.com Facebook： http://www.facebook.com/joan.cheng Fanspage：https://www.facebook.com/daidaipipi 新浪微博：http://weibo.com/daidaipipi follow me on instagram: search: daidaipipi http://instagram.com/daidaipipi/ Daidai ＆ pipi 的快樂魔法 宣傳你的專頁
