事先聲明，今篇Blog超多圖～我影左200幾張相～張張都好靚，好難選呀！ Hello Kitty 今年40周年，萬眾期待的Hello Kitty Go Around 已經開左幕啦！女孩子必玩～真係超級多影相位，周圍都可取景～ 這次你們大鑊了～因為本篇Blog除左大量Kitty and friends 外，仲有好多我既嘜頭，給大家參考下點影會影到自己最靚，同埋有乜好玩，Let's go! 未入場館，在九龍灣展貿商場中央己經見到Kitty 了～ 這裡是售票處，大家亦可以事先在網上買飛，仲有小攤位～ 小妹是開幕前一天去，我是公關邀請的VIP Day，所以唔太多人，可以盡情玩(^○^) 這裡是入口，Kitty 在這裡歡迎你❤️ 旁邊有大地圖，不過入場時會派一份的！ 一入場，就見kitty 在go around 了～ ＜HELLO KITTY週年館＞ Kitty 坐住迴旋木馬好開心～場景非常靚呀！ 這裡大會有攝影機，幫你影靚相，等玩完可以在出口位置買返張相架！ 入口的另一邊都是影相位，同樣地有大會攝影機影相～ 入到中庭！即刻嘩嘩聲！ ＜HELLO KITTY摩天輪＞ 超級可愛漂亮啊！！！ 這裡設計成個嘉年華咁～好多野玩～唔玩都好多野影！！！ 看看地圖先～ 一共有２２個場景，希望唔好寫漏啦。。。 玩之前提提大家，每個項目前都會有指示板解說，同埋有Ｄ要用互動遊戲券先玩得既！～ 互動遊戲券可以在場內的自動售賣機買到，＄１００有５張票，用八達通付款～ 第一個吸引我的地方，是這個超巨型夾公仔機呀！ ＜HELLO KITTY時裝抓手＞ 好多ＫＩＴＴＹ夾呀～ 其實唔止咁簡單。。。 原來大家可以捐入夾公仔機入面，扮公仔被夾架！！！ 哈哈哈哈～～～好搞笑呀～！～！＠＠ ＜Mimmy玩具屋＞ 這裡有齊SANRIO咁多個角色公仔紙雕睇架～ ＜蘋果神社＞ 來到＜招財貓造型HELLO KITTY＞前要許返個願先～ 然後掛上心願牌，希望幸運和祝福會降臨啦～ KITTY也誠心為你許願啊～ Kuromi和Dear Daniel做緊乜？ ＜Tote Bag設計室＞ 這裡是個ＤＩＹ教室，有HELLO KITTY 不同肖像的印仔印製獨一無二既Tote Bag～ Kuromi這個是紋身貼紙，都幾靚架！大家不妨整返個啦～ 另一個ＤＩＹ教室，呢個型！ ＜HELLO KITTY手作教室＞以木的材質呈現～來跟DIY木匠crossover啦！做下皮革，真係好有型！！ 如果大家想上ＤＩＹ班，就要先在網上報名，有限時段架～ 我好中意木製的KITTY木馬燈，如果報唔到班，都可以買返屋企自己砌，有哂說明書應該難唔到你既～～～ 然後帶大家玩遊戲啦！ ＜Sanrio BB也爬行＞ 係鬥快碌波波遊戲，30秒內把手持四個波波碌入洞穴裡，我係Kuromi呀！我行得最快！！！ 另外有幾個攤位遊戲～ ＜圈圈Tiny Chum＞ 得三個圈，要入哂落個小熊度先至贏＠＠都幾難。。。 所有攤位遊戲贏左會有禮物架！大部份都是毛毛公仔，超級可愛，好想要呀～～ ＜爸爸的閱讀室＞ 都係難玩＞＜，要將爸爸的報紙送到爸爸度。。。要有技巧架！但我見到有朋友仔贏到啊～！ ＜媽媽的烘培室＞ 要幫KITTY 整蘋果批，分別將蘋果、牛奶和麵粉送到指定位置，是擲豆袋的方式，眼界要好準呢！ ＜彩虹蝴蝶結＞ 金幣掟彩虹，實識玩啦～要技巧也要運氣！！ ＜Inchigoman正義聯盟＞ 來守護地球，吸起正義力量（藍色波波），收集３個便成功！ 要技巧和力量＠＠可是我一個波波都收集唔到＞＜ 臨走別忘記跟Strawberryman(Ichigoman)影相呀！ ＜救救小金魚＞ 釣呀釣～用上長魚竿釣小金魚上來，要２０秒內完成啊～～～！ 嘩！幸運地！我成功釣到布甸狗上來呀！超級開心＠＠ 我覺得自己好勁呀！ 不過咁多個遊戲得呢個成功。。。大家玩時要加油加油啊！！！ 好啦～郁完全身，帶大家睇Ｄ文靜少少既野～～～ ＜Sanrio電影院＞ 入到去係一個３分鐘既小電影，看看Sanrio小鎮一天的生活，每個Sanrio的角色都會出場架！ 出口處有雷電三兄弟同你say goodbye～～～ 想給朋友一點手信？可以來到＜郵局＞寫張Kitty Postcard比朋友仔～～～ 郵局內都好多野影！！＠＠ Kitty Postcard好靚呀！！ 寫左信真係可以寄出架！這裡會透過香港郵政服務寄出的～ ＜HELLO KITTY 回憶花園＞ ＜HELLO KITTY經典系列＞ 真係好懷念啊～ 細細個小學時我勁中意儲Sanrio的文具，彈掣筆盒小時人人一定有一個！ 身邊好多女同學都好中意HELLO KITTY ～～～ 咁就４０年。。。 突然發現自己好老餅，Sanrio是伴著我長大的～～～ 仲有KITTY 印仔，細個時我都有一套架！好懷念啊～～ ＜HELLO KITTY迷你劇場＞ 唔知有冇KITTY表演？ 也請留意左上角，見到KITTY過山車呀？ 來啊！＜Sanrio Friends 特急號＞ 可以坐上列車同Kitty and Keroppi合照～～～ 跟住落黎係影相位，大家要行哂全場，唔好Miss左呢Ｄ影相位呀～ KITTY 花店好靚呀！！ 要 ＂烏＂低身先影到既馬騮仔工地～～ ＸＯ在神社後方，記住找佢呀！ 佢真係好搞笑！ 我小學時最中意ＸＯ，唔中意KITTY，我係古怪既女生＠＠ 另外有些車仔檔有東西賣～～ 這個My Melody小檔子有飾物賣，我頭上的是 KITTY頭COOL，好CUTIE～！ 另外FIFI車仔檔有糖果賣～ 一瓶瓶的朱古力豆和糖果真是好吸引啊～！ 巴士站話你知去一定要去的 KITTY景點！ HELLO KITTY壁畫～ 呀！仲有一個一定要影既！係投放在地上的HELLO KITTY GO AROUND LOGO燈光呀！ 真係好靚，燈光不停的移動，好有氣氛呢！！！ 如果大家可以在９０分鐘內玩哂，離開時會有KITTY 禮品送架！ 不過我玩左１２０分鐘＞＜ 離開會見到＜會場限定店＞～ 好多精品賣呀！ KITTY 粉絲不能錯過！ 推介八達通咭，成人小童都有，非常精美又實用架！ 咁多款精品我自己最中意呢個 多用途刺繡小皮包 HK$150 有型有型！ 最後走之前可以去睇下入場時影既相～ 如果中意可以比＄８０買一張，連埋迴轉木馬相架，好靚呀～～～ 今日真係好好玩～ 好想帶皮皮黎玩多次呀！！！小孩子一定喜歡～～～ 日期由30.10.2014 -16.11.2014 玩半個月左右，呢個盛大既活動，千萬不要錯過！ 仲有一件小趣聞。。。 我老公睇相，問我係咪瘦左？？原來同KITTY合照，女孩子係會變美和變瘦的！ 哈哈哈哈～～～！！～！ 真係架！ 我都好中意今日Ｄ相～～！ 當然要多謝我御用攝影師啦＠＠ 上網買定飛啦！ http://www.hellokittygoaround.com/tc/index.html 另外下載定手機App，在場有QR CODE可下載KITTY frame和小玩意~~~ (search: HelloKittyGoAround) 今次超級長篇，謝謝收看～！ 我打左幾粒鐘架！！！ 請不要吝嗇你的LIKE啦~~~~ 關於daidai ＆ pipi： 博客： Blogspot ． MyBB.com.hk星級Blogger Beauty Exchange ． she.com ． elle ． WeShare ． ubeauty ． 88db 媽媽專欄: shemom．雙職媽媽daidai Guest-writer Email: yuijoan@gmail.com Facebook： http://www.facebook.com/joan.cheng Fanspage：https://www.facebook.com/daidaipipi 新浪微博：http://weibo.com/daidaipipi follow me on instagram: search: daidaipipi http://instagram.com/daidaipipi/ Daidai ＆ pipi 的快樂魔法 宣傳你的專頁
