9月中我地約左朋友仔伍氏一家一齊去昂坪360玩呀！超級開心～～～ 皮皮成日都話好想去360玩，佢話好想坐纜車～ 我諗諗下，皮皮好似未坐過360纜車．．． 今次終於坐到啦！！！ 謝謝昂坪360公關安排～～～ 我恨左好去360玩好耐，今次是好機會＞＜ 今天是超長篇！ 希望大家開開心心看到尾啦！！ 我地11點幾出發，今日360唔算多人，皮皮同芯賢妹妹一來到360東涌站俾個YEAH先！ 我地之前在網上訂票，所以唔洗排，很暢通～ 如果大家決定到時間，最好在網上訂票，一來減少排隊購買車票外，而且仲有九折添！ 另外有些套票購買，價格可以到np360網頁查詢下．．． 我地就買埋「360舞臺」＆「360動感影院」，一家大細一齊玩！ 去到纜車站，兩個小朋友都好興奮呀！ 我地今日坐水晶車箱～～～ 唔知兩個小鬼驚唔驚呢？ 上到車箱，皮皮的第一個反應是「WOW」到嘟嘴＞３＜～～～～ 兩個小鬼好開心！ 開頭都有少少驚～～ 但坐坐下見到下面有巴士經過就好HIGH！！ 看看周圍環境～ 呢邊係機場附近的油庫，海岸邊在興建港珠澳大橋～～～ 上到半山位，這邊看下去是東涌～～～ 皮皮唔知發現Ｄ乜？？？ 皮話：「有飛機呀！」 芯賢一Ｄ都唔驚～ 瞓身車箱！ 好似浮在海面上！ 好搞笑＞＜ 兩父子一齊食下百力滋～～！～！ 伍氏家庭開心合照！！！ 唔驚唔覺，好快就去到昂坪啦！ 兩個小鬼一支箭標走左．．． 上到昂坪巿集！ 今日都幾好天，唔太曬，好有秋意，涼涼地好舒服～～～ 在巿集旁有個小水池，呢度有烏龜睇～～～ 行入小小是立農茗茶店，門口有小蝌蚪和魚魚睇，兩個小朋友都好鐘意睇動物！ 我地在巿集周圍逛逛，這裡有很多紀念品賣～～ 兩個小傻瓜又咔咔笑，櫈都玩一餐～～～ 皮皮真係好細粒．．．其實芯賢只係大皮皮一個月咋～～～ 但阿皮真係好ＢＢ．．．．＞＞＜＜ 哈哈哈～！～！ 正值中午，我地去左其中一間餐廳午餐～ 巿集有十幾間食肆選擇，中／西／日式、小食店、咖啡店都有～ 唔難搵位～ 我地簡簡單單食個午餐又再去玩過！ 行行下去左「菩提許願亭」，可以在這裡許個願～～ 希望人人都健康開心！～～～ 皮皮今日真係好開心～ 佢好中意同芯賢玩～！！！ 成日都話：「跟我黎丫～ 一齊去邊度睇下啦～～～」 菩提樹隔離就是「360舞臺」，係我地今日主要節目之一！ 簡介： 置身拍攝場景 武動香港電影 幕幕刺激震撼的動作場面，近距離呈現你面前！由導演親身引領欣賞幕後製作花絮，親歷電影拍攝實況，讓你彷如置身拍攝現場！連場好戲，帶你進入經典武動世界，投入香港動作電影的爆破、煙霧、威也、電光對決場景；你更可化身經典電影角色，即場參演與高手「打」成一片。 入面好似個戲院咁～ 初頭完全諗唔到呢個節目係睇咩？！？ 原來係類似舞臺劇的節目，以武動香港電影為題，演員現場表演各種特技和武打場面～ 又邀請在場觀眾一齊上台玩！ 都幾精彩架！ 男孩子皮皮看得非常投入！仲嘩嘩聲！（雖然呢張相好似好攰，在演出前拍的） 女孩子芯賢就有少少驚，成日問做完未呀？？？ 男女大不同，好有趣！ 另外一個節目係「360動感影院」，就在「360舞臺」隔離～ 簡介： 五維動感影院 激新感官體驗 踏上神秘飛船，與船長展開首次刺激歷險的飛行任務！飛越天壇大佛、潛入中華白海豚水域、穿梭心經簡林，帶你從多角度遨遊大嶼山，感受不一樣的視覺、聽覺、嗅覺、觸覺及動感全方位震撼。 其實係一個5D電影～視覺、聽覺、嗅覺、觸覺及動感同時享受！ 坐住動感椅子，戴住3Ｄ眼鏡，遊歷大嶼山，都幾逼真架！例如去到水底會噴到成面水（估唔到），去到草叢位會有Ｄ樹枝樹葉刮下你對腳，很好笑！ 小朋友要夠100cm高先玩得！ 看完節目又去行下！ 上得黎昂坪梗係去看大佛啦！ 去大佛前經過國際纜車展，這裡有幾架外國搜羅、各具特色的纜車展出，遊客可以近距離欣賞～ 往大佛的途中經過一間商店～ 我地買左2架風車～ 果日都幾好風～ 風車不停轉動@@ 小鬼們好開心！ 好快去到天壇大佛～ 小朋友的體力係最好的！ 因為佢地兩個行得最快～！ 又成支箭咁標走左⋯⋯ 行下又坐下，好搞笑！ 真係好多年都冇黎過天壇大佛啦～ 風景好靚！ 遠眺寶蓮寺～ 佛門清靜地⋯ 比阿皮強吻了一下⋯ (((o(*ﾟ▽ﾟ*)o))) 皮皮真係好肉緊架！ 大佛上面好大風@@ 行左個圈就落返黎啦！ 我地去左寶蓮寺買齋點吃（＾Ｏ＾） 豆腐花好滑，好味！ D糕好似冇以前咁好食⋯但就好大件！味道都OK～ 我地玩到樂而忘返，唔記得去心經簡林@@ 唯有下次去啦！ 這裡很好玩～可以再來的！ 由朝玩到黑 在黃昏時離開～ 臨別前影返張家庭合照先～ 然後再坐水晶車箱回程～ 回程時仲諗住小朋友會訓覺。。。因為都好攰了～～～ 但點知2個小孩子繼續高漲情緒！ 加上回程時唔多人，可以包車！ 所以皮皮同芯賢坐哂水晶地上玩玩玩～～～ 又探索下車箱下的風景～ 快樂真是好簡單！ 回程時看到太陽下山～～～ 就會諗起果句：夕陽無限好～～～好好好～ 哈哈！ 我今日唯一一張單人照～ 真係好靚呀！ 今日同朋友仔一齊去昂坪360玩真係好開心！ 離別360車站時皮皮突然同我講： 「媽咪，我好開心！」 媽：「點解呀？」 皮：「因為同daddy mammy一齊去360玩！坐cable car好開心！」 終於完成皮皮搭360纜車既心願了！ 也謝謝朋友仔陪我地一家笑笑～～～ 等皮皮再大DD，我地又帶佢來多次玩啦！ 「昂坪360」真是個親子好去處！ www.np360.com.hk 關於daidai ＆ pipi： 博客： Blogspot ． MyBB.com.hk星級Blogger Beauty Exchange ． she.com ． elle ． WeShare ． ubeauty ． 88db 媽媽專欄: shemom．雙職媽媽daidai Guest-writer Email: yuijoan@gmail.com Facebook： http://www.facebook.com/joan.cheng Fanspage：https://www.facebook.com/daidaipipi 新浪微博：http://weibo.com/daidaipipi follow me on instagram: search: daidaipipi http://instagram.com/daidaipipi/ Daidai ＆ pipi 的快樂魔法 宣傳你的專頁
