DAY 7-1 31/10 (Thu) 志摩/鳥羽 Shima/Toba 行: 橫山展望台 http://www.yokoyama-vc.jp/ 鳥羽展望台 http://www.toba-tenboudai.com/html/tenbou.html 二見興玉神社, 夫婦岩 http://www.amigo2.ne.jp/~oki-tama/ 朝早5點鐘已經畀刺眼嘅陽光照醒, 一出露台望出去... 嘩嘩嘩嘩嘩嘩~ 靚到不得了! 喺房度浸多次個私家溫泉食埋個早餐再行下個島就撘番船出去喇~ 如果有時間可以同酒店借單車(無料)環島遊, 雖然係無乜特別景點, 但係嗰種relax嘅感覺完全值得!! 攞車之後就發去橫山展望台喇! (車程15分種) 橫山展望台位於鵜方西面，標高260m, 展望英虞灣上幾十個小島好幾層重重疊疊一望無際嘅風景。四個展望台距離不遠, 其實只需地圖上顯示所需一半時間就可以行到。 去夫婦岩途經鳥羽展望台。 鳥羽展望台座落在珍珠之路之中, 從三個展望台上，可以觀賞360度全景, 雖然天晴可惜大霧, 未可以看到遠處知多半島之景。 展望台內小店有大量手信, 亦有一間食店, 主打伊勢龍蝦漢堡&伊勢龍蝦雪糕, 不過尋晚嘅伊勢龍蝦宴實在太優秀太豐盛, 我哋只係買咗啲手信就開車去夫婦岩。 夫婦岩係二見浦海濱一大一小、身影相隨的兩塊奇石。相傳一位日本神話中的人物來到此地, 被美景所吸引, 忍不住兩次回頭觀望，所以故名為二見。 夫婦岩兩塊岩石看起來彷似夫妻互相依靠所以稱為夫婦岩。岩上加上一條粗麻繩, 代表緊緊連繫夫妻感情, 令夫婦岩成為夫妻圓滿及良縁的象徴。 神社周圍有大小不同的青蛙雕塑, 加上日文青蛙的發音是「kaeru」跟回家的發音一樣, 故青蛙有庇佑交通安全、平安返家的意思。
