DAY 6 30/10 (Wed) 那智勝浦/伊勢 Nachikatsura/Ise 睇: 勝浦漁港魚市場體驗 http://www.nachikan.jp/midokoro/ichiba/ 行, 食: 伊勢神宮, おかげ橫丁 http://www.isejingu.or.jp/ ; http://www.okageyokocho.co.jp/ 食: 日本料理 鯛 http://tabelog.com/mie/A2403/A240303/24000565/ ; http://shima-tai.com/ 住: 福壽莊 Haifu アジアンな温泉宿 はいふう (獨立溫泉房) http://www.hai-fu.jp/ 一大早6點半起身，早餐都未食就出發睇吞拿魚魚市場。勝浦漁港係日本最大的吞拿魚入口地, 每年卸下的吞拿魚重達二萬噸, 係全球最高吞拿魚獲的魚港，比築地更高。 吞拿魚拍賣由每朝7點開始, 遊客可以喺市場外或2/F參觀, 亦可以喺7點前往2/F報名參加45min的導賞團, 著上水鞋近距離接觸吞拿魚, 每位￥1000, 不過只有日語導賞團。 日本魚市場同香港完全唔同, 第一, 日本人注重衛生, 只有著上消毒後嘅水鞋先可以進入拍賣範圍, 拍賣範圍內長期有流水清洗地面。第二, 魚市場環境清靜唔會叫賣, 各魚販會用一塊小木板寫低名、價錢去競投心頭好, 然後交到上圖右邊小counter嘅工作人員手上, 競投時間過後工作人員就會宣佈投中嘅魚販, 價高者得。 市場內鋪滿一條條巨大吞拿魚, 魚尾會被切開以便魚販檢查新鮮度。各魚販都會手執一個鈎, 有啲會鈎起睇魚腮, 有啲鈎完又聞下個鈎啲魚味 其他相片: http://www.utravel.com.hk/album/photo-list.php?id=ADsRYhEhA3I 食埋早餐就去伊勢神宮喇。 伊勢神宮外宮與内宮相隔6公里左右, 千祈唔好以為行去好快! 最好係撘巴士戓揸車。參拜神宮時, 按慣例要先拜外宮再拜内宮先係伊勢神宮正式的参拝順序。遇上神宮第62次式年遷宮, 週圍都好多人!! 內宮正宮的旁邊有一塊與正宮占地面積同樣大小的空地，在這塊備好的空地上, 每隔二十年要按照原樣重新建造新殿。同時要將天照大神用了二十年的衣服、日用品、武具等寶物也按照原樣重新制作後納入新殿。最後從舊神殿中將天照大神的神體遷入新殿, 這個儀式就叫作式年遷宮。 正式前往正宮參拜, 必需先在被稱作手水舍的地方漱口洗手。接著通過被認為是俗界和聖界分界處的宇治橋時要靠右走，因為左邊是神仙的專用通行道。宇治橋是一座雄偉美觀的純日本風格的橋, 長度約100米, 與神殿同樣為每二十年重建一次, 橋架設於內宮入口處五十鈴河上是引導人們從世俗世界進入神聖世界的橋, 接下來也要在河邊的御手洗場將手洗乾淨後，才能再繼續前往正宮。 神宮內自由走動嘅神雞 仲有神馬 其實日本廟宇神宮睇得多都覺得個個都係咁上下, 所以為食嘅我哋對外宮參道同內宮嘅橫丁更有興趣!! 外宮參道美食: 呢個真係好好好好好味呀!! 焦糖布丁加牛乳雪糕!!!! 必食!! 仲有好多其他奶類食品架! 旅遊書定必推介 -- 赤福。外宮同內宮都有呢間舖, 最好喺外宮食咗先, 因為外宮有半室外位感覺寫意啲, 而且內宮人較多要排隊。除咗呢個之外仲有一款紅豆湯丸子, 嗜甜嘅我都覺得太甜, 屬於"佐茶小食", 不過嚟得伊勢又冇理由唔試下嘅。 好多貓貓嘅內宮橫丁: 點擊圖片放大 試咗好幾間松阪牛串, 全部都麻麻地..... 全店鯹味但係有好多人嘅海鮮店.... 肥美嘅橫丁流浪貓, 好多遊客都專登買魚乾餵佢地。後面隻baby貓掛住玩人條尾好搞笑! 今晚嘅住宿係唔包dinner嘅, 所以就用tabelog search 咗由神宮到碼頭(酒店位於小島上, 只可撘船) 沿途上得分最高嘅日本料理店 鯛食個dinner先! 一睇個menu, 即刻畀個時令龍蝦set dinner吸引咗!! 兩個set分別係有冇龍蝦sashimi, 有嘅¥10,500, 有嘅¥5,250, 就算冇sashimi, 兩個set都有半隻煮龍蝦同海老味噌湯! 好抵呀!!!!!! 伊勢海老刺身... 上枱時佢仲旭緊!! 伊勢海老味噌湯 其他刺身同天婦羅都好好味! 食飽就出發返酒店喇!
