DAY 7-2 31/10 (Thu) 伊賀 Iga 睇: 伊賀流忍者博物館 http://www.iganinja.jp/ 食:金谷 http://www.gansoiganiku-kanaya.co.jp/index.html 住: 鹿の湯ホテル (獨立溫泉房) http://www.sikanoyu.co.jp/ 是日路程緊湊, 加上喺展望臺睇風景睇得比預期耐, 原本打算先到松板食個和牛tea因為唔夠時間都被迫轉plan到伊賀食伊賀牛, 到達伊賀已經3:30pm, 忍者博物館閂5pm, 所以決定先到博物館, 後食牛。 伊賀流忍者博物館 (料金: ¥700)位於上野城上野公園內, 伊賀流 (三重縣伊賀市) 與甲賀流 (滋賀縣甲賀郡)係日本兩大忍術流派。博物館內有忍者宅邸、忍術體驗館、忍者傳承館和忍者進行實際表演嘅忍者體驗廣場 (別料金¥300)。 忍者宅邸乍看就是普通農家建築, 但內有暗室、翻轉壁、暗門、藏刀處等很多巧妙設計和機關, 忍者解說同時會進行實際表演。忍術體驗館展出真忍者曾經使用的撒手劍等400多件道具, 忍者傳承館可以學習暗號、在當今社會也會有用的忍術等。 唔知係咪因為淡季定係啲日本人去哂睇伊勢神宮遷宮, 博物館只得小貓三四隻, 原本附近有可以變身成忍者的店鋪, 都未有開門。博物館比想象中細, 不過都有唔少忍者生活小知識, 例如忍者會用拇指同食指抬50公斤嘅米去鍛練指力去倒吊自己喺屋樑上, 依照貓眼瞳孔收放作為時鐘。 忍者平時工作一係務農一係商人, 每個忍者都有多於一個化身, 有打扮成和尚、小販等等。 最有趣嘅一定係忍者宅邸, 忍者實際表演並解說機關重重嘅農家建築, 包括翻轉牆、秘道、密門、地板藏刀所(下圖)、屋外廊下藏貴重物的小密室等。置物架可以變成樓梯,忍者可到二樓由上而下監視敵人, 又可以上三樓的火藥調配室。表演日文解說, 有英文slides翻譯(下圖忍者身後)。 睇完表演就出發去金谷食牛, 車程5分鐘。金谷料理名物伊賀牛有多種煮法: 1.《寿き焼 - Sukiyaki》¥6,930、 《バター焼 - Butter-yaki》¥7,507、 《しゃぶしゃぶ - Shabu Shabu》或 《炭焼》¥7,507。價錢居然同我本過期2011旅遊書一模一樣!! 我哋嗌咗Sukiyaki 同炭焼, 等食嘅時候嬸嬸畀咗張店內傳單我, 有圖有中文唔怕雞同鴨講, 內容大致係金谷為伊賀一家百年老店, 以正宗伊賀牛料理起家, 堅持選用品質最高級嘅伊賀牛, 加上獨門調理密訣, 廣受歡迎, 而伊賀牛喺日本有〝夢幻の牛〞之稱, 無論品質還是名氣, 比美松阪牛及神戶牛。 點擊圖片放大 +2 試後感: 假如你認為松阪牛同神戶牛脂肪度太高的話, 伊賀牛就一定係你杯茶! 而我.. 都係覺得松阪牛同神戶牛比較好! 不過伊賀牛始終少出口, 所以點都應該食一次! 食飽飽天都黑, 出發去湯之山溫泉。三重嘅traffic 比關西多, 又撞正放工時間, 去到已經7點喇!
