DAY 8 1/11 (Fri) 名古屋>>香港 Nagoya>>HK 行: 御在所岳http://www.gozaisho.co.jp/ 買: 御在所休息站 http://www.c-nexco.co.jp/sapa/search/detail/1070aa047.html 三井爵士之夢長島Outlet http://www.31op.com/nagashima/foreign/index_tw.html JL7037/CX531 出發 16:05 NGO 抵達 22:10 HKG Last day in Japan ! 由於每日行程/車程都好tight, 每日總因時間關係要skip其中某啲景點, 或改第二朝先去, 御在所岳就係例子。 御在所岳係三重縣紅葉名所, 出發前都睇住個日本紅葉情報website, 三重預賞期正正係十月尾, 順路又啱季節所以就決定留一晚喺湯之山溫泉, 犧牲少少長島Outlet shopping時間。(而家諗番都絕無後悔!) 湯之山溫泉位於御在所岳山麓, 由溫泉酒店行到纜車站只需10分鐘, 唔駛揸車去, 慳咗纜車站泊車費, 酒店更提供纜車票¥300折扣優惠 御在所岳山頂標高1212m, 與山麓間的高低差有780m, 從山麓搭纜車約12分鐘可達靠近山頂的山上公園站, 若購買包含單人吊椅索道, 可從山上公園站轉乘吊椅，利用滑雪用的索道登上更高的山頂，由高往下俯看飄渺在雲海中的群山山頭。由山麓搭到山上公園站, 沿途景色已經靚到嘩嘩聲, 更加佩服好多登山人士, 又爬又擒咁登山! 御在所岳其他相片: http://www.utravel.com.hk/album/photo-list.php?id=ADsRYhEhA3Y 由於時間關係, 我哋又要急急腳落山check out 繼續行程。下一站 - 御在所休息站! 強烈推介自駕遊人仕去御在所休息站買last minute手信! 款式比名古屋機場多, 地道&平 (名古屋機場有至少1/3店舖賣非中部地區手信, 例如東京條蕉, 神戶cheesecake), 肚餓嘅仲有大量食店可以醫肚。 還車前最終站 - 三井爵士之夢長島Outlet。個人比較喜歡大阪Rinku Premium Outlet, 款式較多 (但同款有時會較長島貴), 而且長島Outlet隔離就係個瘋狂過山車, 每次聽到過山車上斜臨頂前嘅"格格格格"聲, 搞到我shopping都有壓力!! 自駕遊提示: outlet parking一入場即收¥1,000泊車費, 泊車後謹記車票跟身, 消費到指定額可退回泊車費!!
