特別日子過得有儀式感d, 慶祝下都會開心d! 520呢個日子，一早就book 左之前食過覺得唔錯又滿足嘅日本燒肉響。 2位或以上送波士頓龍蝦半隻，4位或以上送喜之次1條，8位送兩條。重點而家黃金時段做緊優惠79折，人均$400真係值回票價！ 高質日式燒肉、鹽燒、天婦羅 、刺身、小食 & 酒精類暢飲 （啤酒、紅白酒、清酒、柚子酒、梅酒）任飲任食2.5小時～ 無酒精飲品都有兩個櫃，仲會有3款茶包供應。呢度供應嘅水都係支裝水，乾淨衛生d! 每款酒都已配備好相應杯子同酒壺，如果係好中意飲酒嘅一定好滿足! 第一轉送的刺身拼盤會有埋海膽紫菜。 最推介的刺身類： 三文魚夠肥美、帶子算鮮甜～ 最推介燒肉類：澳洲和牛西冷、肉眼、牛胸腹、牛舌大推！ 波士頓龍蝦肉質都爽口彈牙，還可以。 椒鹽串燒都係自己燒，雞皮、免治雞肉棒最好味。 炸物天婦羅類： 芝士年糕最正 餐桌上設有玫瑰岩鹽，食澳洲和牛及牛舌類剩沾上玫瑰岩鹽已經好好味。 眼闊肚窄嘅我地食左一轉刺身、炸物、兩轉燒肉就已經飽飽! 雪糕：movenpick3種口味、dreyer 抹茶及柚子味、榴連雪糕同芒果乳酸雪條。 ========================================================= 響 - Hibiki 日本燒肉 佐敦白加士街101號珀軒1樓 ========================================================= manda.c食肉控港女 ~美食~旅遊~好物分享 ~生活博客 ~非專業 純分享 推薦美食/合作/活動 mandakiki95@yahoo.com.hk Fb/點評：Dafoodsharing 【等級8】 mandakiki95 【等級4】 blog.ulifestyle.com.hk/blogger/dafoodsharing
