今日去左銅鑼灣樓上舖食新派泰菜。呢間叫Milu Thai 全店嘅裝潢風格都已塗鴉工業風及木色傢俬為主。 主要一嚐呢道嘅招牌菜，火焰燒雞。 餐牌上面見到已經好吸引。 乳酸梳打 似忌廉溝鮮奶的味道。 藍白層次分明，用了乾冰製造噴煙效果！ 勁有藍天白雲嘅感覺。 提子梳打 同樣都用咗乾冰噴煙效果，感覺似提子芬x味道。 各$28 馬拉盞炒通菜$78 有4種口味可供選擇，店員表示飛天口味係最辣嘅，要味辣就揀馬拉盞口味。 泰式蛋包炒金邊粉 $108 擺盤非常別緻，而且份量都唔少。 主角有三大隻茄汁炸蝦碌，而且用蛋網包裹住整碟金邊粉。 視覺享受，增加食慾。 泰式滷水豬手$98 豬手炆得非常稔身，豬皮口感Q彈，而且煮到入晒味! 底部墊左大量酸菜，解膩一流。 火焰燒雞 $198 燒雞上菜，店員示意進行點火儀式。熊熊烈火燃起視覺享受之外，香氣亦隨住高溫係空氣中飄溢！ 相機食飽飽之後,店員會幫你拎番入去切好再重新上碟。或者你都可以要求店員提供手套自己手撕燒雞過癮下嘅～ 燒雞真心皮脆肉滑，食落泰式香料調味濃郁之餘，仲有神來之筆酒香味。色香味俱全嘅一隻燒雞，以呢個份量、質素都值回票價！ =========================================Milu Thai มิลู่ไทย 銅鑼灣耀華街3號百樂中心2樓 港鐵銅鑼灣站 A 出口, 步行約1分鐘 =========================================== 詳細食評請參閱openrice Tripadvisor : 86dadac (第6級） Ig:msdadada op：mandakiki95 [Lv4] Ublog/fb/點評(VIP LV7) dafoodsharing mail: mandakiki95@yahoo.com.hk
