今晚去左銅鑼灣shopping,未諗到食咩好。 就醒起我倆都好中意黎嘅mini club 店內最吸睛嘅莫過於倒轉左粉紅色嘅艾菲爾鐵塔裝飾。 China Night $118 盛酒器皿充滿中國古代風，果然酒如其名。 紅酒為主要嘅基底酒，加上拔蘭地、果汁同令酒多左清新花香嘅接骨木花。（配鮮果）飲落味道似層次再豐富嘅sangria。 Strawberry Me $118 呢杯少女系cocktail,外型超可愛。 主要用rum酒、tequila、奶、士多啤梨糖漿。 起初仲好擔心會有藥水味，有酒精嘅士多啤梨奶，又幾易入口。 海鮮拼盤 $298 海鮮拼盤包括鮑魚、蠔、螺、龍蝦半隻、蝦、青口同麵包蟹半隻。 海鮮拼盤都算誠意十足，蠔唔大隻，但蠔邊幾爽。螺同鮑魚都彈牙鮮味。 麵包蟹同龍蝦仲有膏tim! 辣肉腸薄餅 $95 呢個超正，上碟熱辣辣、辣肉腸平均分佈係預先切開嘅一件件薄餅上面，加埋拉絲芝士完美，薄餅超脆口。 香烤蜜糖雞翼 $78 總共8隻，雞翼size 正常，焗得唔乾。 一流嘅佐酒小食 極上12安士炭燒安格斯牛仔骨 $158 配薯蓉 牛仔骨用迷迭香烤配埋喜馬拉雅山岩鹽食超夾，特顯左牛仔骨嘅牛肉味濃，邊位仲好香牛油味。 The love of Eiffel $258 最後就食埋佢哋嘅招牌。粉紅色巴黎鐵塔真係好浪漫唯美。上碟時店員仲會用乾冰製造噴煙嘅效果，勁適合拍片同呃like! 鐵塔主要分為兩層，上層有印有mini club 字樣嘅馬卡龍同朱古力類，仲有星空朱古力tim! 馬卡龍外層好脆，入面嘅夾心都唔會過甜好好味，意外地星空同loveyou朱古力都幾好味。 下層主要布布丁、泡芙、蛋糕類，比較驚喜嘅係食到熱情果味嘅泡芙。 每款都唔同味道，都充滿驚喜。 之前都有去Mini club其他分店，水準同樣好高，以酒吧嘅食物質素都可算是罕見嘅高水準。 ========================================= Mini Club 銅鑼灣駱克道487-489號駱克駅1樓 ====================================================== 詳細食評請參閱openrice Tripadvisor : 86dadac (第6級） Ig:msdadada op：mandakiki95 [Lv4] Ublog/fb/點評(VIP LV6) dafoodsharing mail: mandakiki95@yahoo.com.hk
