今次黎到中環試下新野，一間新派平民老撾菜！ 呢間老撾菜嘅老闆就係美女廚房做評判嘅陳希裕！ 因為婆婆係老撾人，店名取婆婆姓氏就係施心畢喇！ 周六晚上，店內唔太多人！見到老闆本人喇！比起電視上多左份務實嘅感覺！無甘離地wo 餐牌嘅食物普遍都幾新穎。 店舖雖然開在中環，單價無菜式會超過$100，都可算得上平民價食在中環。 南薑香茅梳打 味道甜甜地帶辛幾特別。 是拉差牛油雞翼 $48 味道帶甜香口，有種食緊韓國甜辣炸雞嘅味道。 老撾100%全米湯粉 牛肉（可選生或全熟）$78 100全米造嘅米粉好滑溜，湯底好順口，香料好足，另外配嘅牛丸爽口彈牙有口感。咬開仲會有丁點爆汁。 牛肉份量多得驚人，意外地放左好耐牛肉依然唔會過熟同鞋口。牛味濃唔會韌！ 白咖哩雞肉見求 $78 雞球用雞扒做口感較嫩滑，用紅米減低膩感，白咖哩好香，椰漿比例較少突出番香料味。薯角沾上白咖哩都好正。 老撾青芒果沙律（vegetarian) $68 必須講呢個係令我最驚喜嘅一道菜式。 青芒果、豆角、蕃茄仔多種不同口感嘅味道撈埋一齊好fresh好豐富。 仲有大量櫻花蝦多左種鹹鮮味。 必試之選！ ==================================================== 施心畢老撾餐廳 中環威靈頓街98號翡翠中心4樓 港鐵中環站 D2 出口, 步行約7分鐘 ==================================================== 詳細食評請參閱openrice Tripadvisor : 86dadac（第6級） Ig:msdadada op：mandakiki95 [Lv4] fb/點評(VIP LV5) dafoodsharing mandakiki95@yahoo.com.hk
