聽朋友介紹北角呢間西餐廳食物同環境都唔錯，經過呢頭就過黎試下。 Soul9+位於小巷內，平時比較少注意呢條小巷都有4、5間食店。 店內環境較細，好快全店爆滿。 明顯有一班街坊熟客定期光顧。 一張卡紙menu 已清楚寫晒前菜、沙律、意粉、主菜、pizza 等 款式未必係好多，全因所有菜式都係一位90後型男主廚兼老闆主理。 新鮮檸皮炸雞翼$68 雞翼都幾大隻脹卜卜，咬落juicy帶少少檸檬清新嘅香氣。 波特菇明太子意粉 $98 一個大啡菇放置係意粉中央，撈滿明太子意粉整碟呈粉紅色。 意粉比一般幼dd, 煮嘅時間控制得剛好唔會過淋：明太子同淡忌廉均勻包裹住整條意粉，好creamy 好幸福。 寶雲蘇澳洲羊架配薯蓉烤雜菜 $228 侍應姨姨叫我地order7成熟，果然無介紹錯。 羊扒除刀一切香氣撲鼻，粉嫩嘅肉色呈在眼前。食落羊扒肉質軟稔，羊肉香味好夠，但又無羶味。 ==================================================== Soul9+ 北角錦屏街35A號東發大廈B座地舖 ==================================================== 詳細食評請參閱openrice Tripadvisor : 86dadac（第6級） Ig:msdadada op：mandakiki95 [Lv4] fb/點評(VIP LV5) dafoodsharing mandakiki95@yahoo.com.hk
