今晚好友聚餐決定到元朗形點嘅百樂潮州食凍蟹！ 一坐低，侍應姐姐就放低功夫茶俾我地。 食凍蟹大家都決定order 支白酒。 黎自新西蘭嘅cloudy bay! $398 易入口唔會太酸～ 滷水雙併盤 $220 最上層舖上鵝片，兩旁仲有潮式扎肉同豬頸肉。滷得入味又唔過鹹！ 主角出場喇！ 潮州白烚凍花蟹 $60/兩 呢隻大概$2000左右 食一隻蟹鉗就超滿足，非常多肉、肉質好鮮甜。醋都不用沾。 檸檬燉鴨湯 $108 鴨湯好清晰、味道濃郁，帶有檸檬嘅清香。但又完全無酸味。 鴨肉依然嫩滑，可以沾醬油或醋黎食。 豪華大拼盤 $840 包括鵝片、帶子、海蜇、蝦棗配桔仔油。 蝦棗呢d 手工菜真係買少見少，用蝦肉、馬蹄等混合而成。 碧綠川椒雞球 $108 川椒菜炸得非常翠綠香口，雞肉椒麻味夠，肉質嫩滑。 欖菜肉碎四季豆 $98 四季豆感覺乾爽，唔會油淋淋。 香煎蠔仔烙 $108 真材實料，啖啖都食到蠔肉同蛋。 明爐鮮烏魚 $240 第一次食潮州菜食到呢個菜式，熱住食別有一番風味。 沙茶炒牛河$108 味道調得好香濃，河粉屬較幼身質地唔會軟爛，不錯！ 香煎糖醋麵$128 真係做得番一邊脆口，另一邊軟，內裏仲有一條條麵嘅口感。 鴛鴦水晶包$42/6 平時我最唔中意食水晶包，因為通常皮勁厚。但呢度嘅水晶包皮好薄，勁多餡！熱辣辣！ 福果甜芋泥 $35 唔算太甜，口感好滑溜。不過2-3人share食就剛好。 反沙芋件$108 非常考功夫嘅一道潮式甜品，製作需時15分鐘。芋頭外皮香脆內裏酥軟，砂糖部分甜而不膩。 ==================================================== 百樂潮州酒樓 元朗朗日路8號形點二期3樓A316號舖 ==================================================== 詳細食評請參閱openrice Tripadvisor : 86dadac（第6級） Ig:msdadada op：mandakiki95 [Lv4] fb/點評(VIP LV5) dafoodsharing mandakiki95@yahoo.com.hk
