MiniClub係其中一間常去嘅bar~ 因為無論氣氛、食物質素同飲品嘅presentation都係我十分之喜歡! 而家逢星期日做緊全單7折，所以過左黎尖沙咀位於山林道嘅分店。 呢度嘅menu 用iPad 清楚顯示。 Mint punch $78 薄荷punch係杯mocktail,味道比fruit punch 清新。 薄荷中帶點香橙、菠蘿嘅酸甜，很適合夏天。 Perfume of Roses $118 呢杯係我超愛最浪漫嘅cocktail, presentation 已經華麗滿分。以vodka 做基底酒，飲落啖啖都帶有玫瑰花香，仲有點點果香，酒味唔濃非常順口。 Oyster （是日精選） 每日做嘅精選都唔同，今日做嘅蠔係法國嘅GILLARDEAU 蠔肉唔算肥，裙邊都幾爽、金屬味唔重，易入口。 海鮮龍蝦汁扁意粉 起初望落意粉以為好乾，結果龍蝦汁調味都幾濃，已拌勻整碟意粉，不錯！ 海鮮拼盤 $298 （有麵包蟹半隻、龍蝦半隻、翡翠螺、玫瑰蝦、磯煮鮑魚、青口） 磯煮鮑魚入味肉厚！ 麵包蟹肉都算多、有膏 極上12安士炭燒安格斯牛仔骨 $158 燒安格斯牛仔骨配喜瑪拉雅山岩鹽食，更突出到牛味，肉味濃唔韌。 The love of EIFFEL 粉紅色兩層擺住不同甜點嘅艾菲爾鐵塔真係好浪漫。 星空朱古力、同手作馬卡龍味道都唔錯。 =================================================================== Mini Club 尖沙咀山林道29-31號地下A舖 港鐵佐敦站 D 出口, 步行約4分鐘 =================================================================== openrice：mandakiki95 [Lv4] Tripadvisor : 86dadac（第5級） Ig:msdadada fb/點評(VIP LV5) dafoodsharing Mail: mandakiki95@yahoo.com.hk
