一班朋友每月都會聚埋一齊食下好西gathering下。今次黎到食日式燒肉好出名嘅牛禪聚餐。據講呢間燒肉店係2007 年亞洲小姐張家瑩開嘅。 同一個舖位嘅另一邊係食泰國菜嘅都係同一個老闆。 食日式燒肉最重要就係無限暢飲。 加$100就可以90mins 內暢飲sake! Sake 算幾易入口帶甜,唔小心愈飲愈多tim 三點前菜 $30 合桃、辣蒜、海蜇 （醃菜） 合桃食落帶點魷魚漬物味，而蒜頭爽口完整帶辣，奇怪嘅係蒜味唔大，怕蒜味嘅朋友都唔驚。 明太子玉子燒 $128 明太子份量好多，最愛蛋卷中間半流心包住咸咸辣辣嘅明太子。 七味魚翅 $78 有點似雞泡魚乾感覺，屬魚鰭部分較硬身。但魚味幾香濃，佐酒小食不錯選擇。 赤座蝦 $148 赤座蝦眼睛好大隻，蝦肉好肥美，食落真係好鮮甜。朋友表示要提前2天致電預訂先有得食。 赤貝刺身 $68 （都需2天前預訂） 赤貝色澤鮮明，厚肉超鮮甜，呢個質素真係唔係度度有。 帶子刺身 $108 帶子厚肉、鮮甜。 三文魚腩 $118 腩位油脂豐富、爽口魚油正。 拖羅 $432/4片 拖羅新鮮、入口有溶嘅感覺。 極上和牛盛宴 $1,580(1板) 人多就可點 $2,370(1.5板) 貼心嘅係當日周一客人唔多，店員幫忙燒肉。由最淡味嘅牛舌食起，之後就到尾龍扒、牛臀、牛腿上肉—》牛外胸腹—〉牛肩—》牛頸脊—〉小排，最後到肉眼。 配上即磨粗鹽食，油脂溶在口中，再配上一口白飯，真係好好味！ 日本南瓜 $55 好鮮甜。 翠肉瓜 - $33 粟米 $33 野菜配麻醬食幾好味！ 鮮冬菇 $38 最驚喜是鮮冬菇，燒完竟然唔乾，沾芝麻醬好搭。 牛油蘆筍炒野菌 $88 日式餐廳通常都有炒野菌，加入蘆筍更爽口清甜。 番薯天婦羅 $98 番薯係薄身較實果種，番薯味都香。 免治雞肉棒 $58 同外間拎貨感覺唔同，裏面食到有咬口嘅軟骨，肉都比一般有咬口。 雪糕 $30 雪糕有6種口味：綠茶茶味好濃郁、益力多解膩一流似雪葩、藍色海鹽感覺唔錯、榴連嘅氣味係濃烈嘅。 雖然價格偏貴，但食物質素係一流！ ========================================================== 牛禪 銅鑼灣告士打道280號世貿中心13樓1302室
