經常往返深港兩地嘅我們，除左周圍遊山玩樂，食嘢對我哋都好重點！過過第一站！今次黎到距離福田口岸十幾分鐘，深圳地鐵6號線科學館出口又發掘到新開嘅In城市廣場！ 首站梗係要醫肚！係呢個商場就發掘到具有廣東特色，於4月29日盛大開業嘅「點都德」，飲茶係廣東人家家戶戶必去，而點都德嘅廣式點心真係好有特色！在於佢哋全手工製作點心，每款都堅持現做現蒸夠新鮮！ 一盅兩件嘅點心，必吃招牌蝦餃皇、百合醬蒸鳳爪、蜜汁叉燒包！呢3款都係最顯點心師傅手工嘅點心！蝦餃皮薄餡足，熱辣辣上枱！蒸鳳爪大大隻好香好綿！蜜汁叉燒包好多餡汁呀，一打開仲會漏汁，最能突顯茶樓特色！腸粉就必點金莎米腸，外滑內脆層次感豐富，大小朋友都鍾意❤️點擊圖片放大 +2 另外荔灣艇仔粥配招牌靚油條好懷舊，而家已經好少茶樓製作到咁香脆大條嘅油條！另外荔灣艇仔粥煲得好綿好足料，仲有靚魚球係粥入面添呀！我哋仲點左新店限定產品「大菠蘿包」及鮮木瓜燉海底椰湯，個菠蘿包有別於普通嘅得個「味」，菠蘿包真係有大大粒菠蘿係入面㗎，入口夠曬濃味！此外仲有個鮮木瓜燉海底椰湯，燉湯係廣東人家常湯料，而呢份湯真係夠曬甜香，加入雞腳、豬肉、仲有滋潤木瓜及海底椰，飲到一滴都清埋添🤣🤣🤣點擊圖片放大 新店開業著數多💕💕記到去大眾點評收藏打卡門店，就可即享贈送奶皮子酸奶，最適合作為飯後甜品！ 另外港澳地區朋友到店打卡影相，跟住將相片share post到instagram ，show比店員睇仲即時可獲送紅米腸天王/蝦餃天王/叉燒包天王玩偶一個呀！仲唔快啲去新商場新店，三五成群去飲返個靚茶！ 🫖點都德(iN城市廣場店)📍地址：深南中路1095號iN城市廣場2樓🚇地鐵：6號線科學館站F口步行 310m#吃正宗廣式點心來點都德#點都德深圳iN城市廣場新店#點都德深圳十年慶#深圳第一頓早茶 #深圳 #深圳美食 #深圳美食攻略 #深圳好去處 #深圳餐廳 #必食餐廳 #深圳好去處 #深圳火鍋 #深圳吃喝玩樂 #必食榜 #港人北上攻略
