睇古裝戲就睇得多啦，見到啲宮廷御膳好似好正咁，而家唔洗千里迢迢咁去北京，深圳都可以品嘗到！ 搵到呢間源自滿族鑲黃旗，傳承了百年的炙子烤肉，以獨特嘅炙烤技術同宮廷秘制醬料，傳承京味飲食文化，原來好多以前嘅皇族同埋文人都好鍾意食！而且仲係用真炭火炙烤，漢堡同生菜免費續！！💫手切鮮牛肉採用來自魯西的黃牛肉，肉質鮮嫩多汁易入口，現切嘅牛肉就係夠濃味，而且不肥不膩，最啱就係夾埋個漢堡食啦！ 💫沙蔥牛肋條由北京直送嘅食材，第一次食「沙蔥」，味道原來既有韭菜香同蔥嘅香味結合，好特別！以炙烤方式烤製結合左沙蔥嘅水分及牛肋條嘅肉汁，除香味十足外仲好有嚼勁添，食之前再蘸上店家四代傳承秘製醬汁，大滿足！ 💫招牌酸菜羊肉店員話每個黎食都必點招牌！採用自家製嘅酸菜、大蔥、秘製醃料醃製嘅羊肉，放上炙烤令酸味滲透入羊肉，炒出黎仲係金金黃黃嘅，入口除左羊香味仲帶有清爽嘅酸菜味！ 萬物都可炙子烤我哋就點左百里香香烤雞腿肉，鮮嫩無骨嘅雞髀肉加入百里香又香又脆，啖啖香味係口腔徘徊！ 💫蝦仁疙瘩湯現點現煮蝦仁疙瘩湯係北方人嘅一道家常湯品，湯內加入蝦仁、蕃茄、雞蛋、面糊（疙瘩）泡製，酸甜濃郁的熱湯入口溫熱暖胃！ 💫北京地道小吃 · 奶皮子酸奶去過北方都知道呢樣係著名甜點！淡黃色嘅奶皮，下層係細滑濃香嘅酸奶，冰冰涼涼咁食就勁似食緊雪糕咁呀！ 另外我哋仲點左幾款開胃小吃，有涼拌臘八蒜雞爪，仲有老北京傳統手作嘅芝麻餅，仲有特色嘅芥末墩又香又脆微辣，係好解膩嘅小吃！ 🍻精釀啤酒北方朋友都話食炙子烤就必須飲返兩杯，呢度有十多款精釀啤酒可以揀，白熊生啤、福佳白精釀、岔巴小麥等等，係食炙子烤最佳拍擋！ 好快就到五一假期，就趁假日同朋友北上食餐咁有特色炙子烤啦！ 🥘佟爺·老北京炙子烤肉（南山店）📍地址：南山區粵海街道海德一道2251-21號保利城花園1層🚇地鐵：地鐵9號線南山書城站G口步行100m🕰營業時間：10：30-次日07:00🥘佟爺·老北京炙子烤肉（羅湖店）📍地址：羅湖區南湖街道南極路31號廣深大廈一樓🚇地鐵：地鐵2號線湖貝站A出口步行60m🥘佟爺·老北京炙子烤肉（西麗店）📍西麗街道深圳新圍旺棠工業區同沙路20號🚇地鐵：地鐵5號線西麗站F出口步行600m#老北京炙子烤肉 #現切現拌現烤 #生菜 #漢堡 #免費無限續 #真碳火 #深圳美食 #佟爺 #北京美食 #老北京 #南山美食 #港人北上 #五一假期
