🔥每年港島南區最重要嘅傳統節慶活動🔥❤️🔥鴨脷洲洪聖傳統文化節2025❤️🔥開鑼啦！咁濃厚嘅傳統文化及咁多精彩嘅活動！我哋都去趁下熱鬧🔥感受下咁有特色嘅活動！ 呢個傳統節慶活動都會在每年農曆二月，由鴨脷洲街坊同慶公社舉辦，當地漁民及居民為祈求保祐風調雨順、居民平安而慶祝洪聖寶誕活動。活動內容非常豐富，包括水燈祈福🪷、賀誕巡遊🎏、神功戲等，而且仲有免費觀光遊🚤、洪聖古廟導賞團🚩及南區洪聖市集🛍️，真係玩到唔捨得走呀！洪聖古廟導賞團🚩洪聖古廟已經有百年歷史，活動由華人廟宇委員會特設導賞活動，了解古廟背後歷史故事，仲會講解洪聖誕嘅由來同埋了解到廟內珍貴文物。點擊圖片放大 +2 🪅南區洪聖市集🪅市集位於鴨脷洲大街公園足球場，雲集攤位遊戲、🍢小食攤檔、乾貨攤檔、傳統手工藝工作坊等！最矚目當然係 #大戲棚 嘅 #賀誕神功戲 及 #祈福放水燈，而神功戲日場仲要係費用全免，可以觀賞精彩粵劇同時仲可以欣賞築棚工藝！同場仲有 #小戲棚 粵劇體驗添！而每年嘅 #水燈晚會 都吸引唔少居民同遊客去祈福許願㗎，預先網上登記仲可免費放水燈！此外，主辦單位仲安排避風塘觀光遊，比大家乘坐舢舨遊覽，於水中欣賞鴨脷洲嘅美景添！於3月16日仲有 #賀誕巡遊，記得留意詳情🔎！點擊圖片放大 +4 除咗欣賞之外，大小朋友仲可以去到市集內嘅傳統👐🏻手工藝工作坊體驗🦁#迷你醒獅工作坊或迷你花牌工作坊，指定時間仲有 #醒獅體驗班🦁 由專人指導獅舞獅基本動作與步法。另外亦有展示傳統手工藝品，可以體驗傳統文化。行到攰攰地仲去小食攤檔可以品嘗南區特色小食！點擊圖片放大 +3 橫跨多日嘅連串精彩活動，有得食有得玩仲有得感受獨特傳統文化，快啲去鴨脷洲啦！點擊圖片放大 🎊鴨脷洲洪聖傳統文化節2025🎊日期：即日起至3月16日地點：鴨脷洲洪聖古廟、鴨脷洲洪聖廣場、鴨脷洲海濱公園、鴨脷洲街道、鴨脷洲公園足球場@alc_hscf2025#鴨脷洲洪聖傳統文化節 #洪聖爺 #鴨脷洲 #南區洪聖市集 @alc_hscf2025
