西環一帶都系高質美食集中地,今次就系西環搵到間唔多起眼但好高質嘅日本居酒屋しば!成日經過都想食㗎啦,只系湊住小朋友比較難,終於扚起心肝約老友去食! 店內環境好有日式氣氛,擺設好多都系日本🇯🇵入手,店員話老闆系日本人,好喜歡收藏一啲JR火車嘅模型,放咗喺店內!有預約,店員可以安排坐喺bar枱,睇下師傅燒串燒嘅手藝,好正!點擊圖片放大 味醂魚乾🐟雞泡魚乾加上醬汁燒制,既入味又煙煙韌韌,沾少少沙律醬味道更提升! 櫻花蝦墨魚棒🦐櫻花蝦嘅獨特味度混合墨魚嘅爽口製作成棒,口感豐富好彈牙! 豬頸肉🐽豬頸肉本身口感就爽口,但呢間串燒嘅豬頸肉燒得爽彈嚼勁好正! 雞皮🐥燒到外脆內綿,加鹽燒特別香味! 北海道帆立貝串🍢最值得推介而且系必點,大大粒帆立貝已經夠鮮味,上面點綴咗少少山葵令味道更提鮮,好大滿足感! 自家制免治紫蘇雞肉棒🐔免治雞肉棒好多地方都食到,都系會配備生蛋醬油食嘅!有別於其他,呢間還會配上紫蘇葉一拼燒,啖啖雞肉帶帶紫蘇香味,啖啖都有驚喜! 牛舌🐮牛舌我覺得系燒烤嘅靈魂,每間牛舌都唔同,比較喜歡這家嘅燒牛舌外面燒到少少脆,入面系好juice嘅濃牛味度,熟度剛剛好唔會韌! 馬友一夜乾🐠一夜干系日式料理文化上都可以有多種唔同嘅魚,今次呢間就採用一夜乾之最~馬友,配鹽巴一起燒,啲魚香味真系每一口都美味! 汁燒牛腹身🥩之前見到啲人介紹呢個系必食,黎到系意想不到咁美味,除咗濃厚牛味之外,配上汁燒嘅肉更勝一籌! Highball🥃話明居酒屋,又點少得有酒呢!每次去日本居酒屋或香港日式料理,我都會揀Highball,同燒烤好配! 🥃しば Shiba📌地址: 西環堅尼地城士美菲路11號地舖#shiba #しば #日本菜 #foodie #高質 #西環 #西環美食 #香港美食 #抵食 #串燒 #香港串燒 #日式 #日本料理 #美食推薦 #欣賞美食 #我愛美食 #香港美食推介 #Japanese #japanesefood #hkfood #hkfoodie #hkig #foodie #foodstagram #foodphotography #eatlove #foodiehkg