關於中秋節嘅來源，傳說都有幾個版本。 趁着中秋節就到同大家講一個浪漫又凄美嘅愛情故事。話說古時有個人叫后羿，嗰陣好誇張有十個太陽係個天到，后羿利用佢嘅神力同箭術為大家謀福利，一口氣射咗九個太陽落嚟，深受大家嘅愛戴。 佢娶咗個靚女老婆叫嫦娥，嫦娥為咗保住后羿長生不老丸唔俾人偷，一次過啪曬，仲因為食得太多仲做埋神仙添（藥真係唔可以亂食）。不過因為掛住老公，所以就飛咗去離人間界最近嘅月亮到定居。后羿係月亮就見到自己老婆個影，就三步追一追，點知越追月走（如果佢一開始就知道有引力依一樣嘢嘅話可能未必會追）。追唔番個老婆嘅后羿好失望，但係都冇減佢對佢老婆嘅愛，所以就喺後花園對住個月亮放咗嫦娥最鍾意食嘅水果同蜜餞。其他人見到呢位人民英雄咁愛老婆，都紛紛地係月下放左唔同嘅生果同埋蜜餞，幫嫦娥祈福，希望佢平平安安。 從此，后羿同嫦娥就繼續Long D，中秋節拜月亦都成為咗民間嘅風俗習慣。 #係古時大力都係一個技能 #所以唔好睇少你自己丫 #你認為微不足道嘅嘢可能正正係其他人需要你嘅地方 即上WiserMatch.com登記，講低你有乜嘢技能，等佢哋幫你發揮所長啦！ 最後祝大家中秋節快樂，同屋企人/另一半/朋友歡度佳節。月兒甜甜，心兒甜甜！
