有一日同朋友係金鍾搭地鐵，講起復活假有咩做，突然之間隨口ＵＰ：最近睇完衝線，不如去台灣踩單車！ 我諗好多人都曾經有呢種諗法，但基於人生太短，春青過左就冇，空想不如行動，就即刻約人啦！ 原本諗住攞假接埋復活節１Ｘ日環哂全台灣，不過呢Ｄ燃燒春青辛苦到仆街既野，身邊大多都係嘆慣既香港人，仲要玩即興，真係好難約 最後幾經波折，終於約左三個人成團！我，ＹＣ，真漢，可惜既係大家只能夾到五日時間出黎，環台唔得就環半台啦！ 中間其實都冇乜點PLAN，都係上網睇過下啲遊記，同埋酒店咁，我份人去旅行其實就真係鍾意靜係ＰＬＡＮ個大方向，唔鍾意ＰＬＡＮ得太ＤＥＴＡＩＬＳ 有好有唔好啦，好既就可以營造好多冒險同驚喜既感覺，唔好就係隨時會令個ＴＲＩＰ收皮，今次就正正體現到！！ <第一日> 第一日我就同ＹＣ一齊坐晏就機去左先，因為真漢要晏放工，佢就自己坐夜晚機後ＪＯＩＮ。 坐左兩粒鍾機，去到桃園機場，三年前熟悉巴台灣味道又重現眼前，當時係落緊大雨，兩條友坐巴士去台北車站，再答捷運去西門町。 其實諗諗下係伏伏地，坐台鐵係仲快！去到西門町因為太大雨冇乜檔鋪開諗住食啲野醫下肚都冇，最後好彩酒店樓下見到個賣腸仔既阿婆，食腸仔救番一命。酒店放低野之後，就坐捷運去松山站－饒河街夜市。幾年前已經有朋友推薦過依度，上次又冇去，今次唔使諗啦！ 去到梗係瘋狂食野，食左Ｄ咩已經唔係好記得，因為冇影相，靜係記得有個胡椒餅好撚正，同埋有藥謄羊肉，呢個真心正，最後飲左杯黑糖粉圓都係值得推薦。當然唔少得食鹽水雞，自從三年前係師大夜市食左隻好好食既鹽水雞之後，一直都想再番個隻味道，可惜今次饒河街呢隻係食唔番既／。＼ 總結黎講，呢次旅程去左五個夜市，如果要排名，饒河街就係排第二。野食種類好多，條街好長，好多野睇，如果唔係落住雨行我諗會更正。 跟住既經歷就係破壞左整個ＰＬＡＮＮＥＤ行程既經歷，亦令到整個旅程變得特別！！雖然我後幾日成日嘆氣話ＣＬＵＢＢＩＮＧ累事，不過冇後悔去既都ＨＡＨＡ 成日聽人講台灣啲夜店好正，又平又有台妹啲人話見到香港人好似港女見到洋腸咁，難得黎到有一晚，唔係唔去下話。 食完野就同ＹＣ出發去市政府站，其實都係出發前上高登ＳＥＡＲＣＨ下，有間叫ＢＡＢＥ１８好似幾多人講，就呢間啦。 比起香港，就真係幾平，７００蚊台幣任飲，唔係ＷＥＥＫＥＮＤ好似仲平Ｄ。 最ＯＮ９既位就係依個時候出現左，去到間野門口，ＹＣ條濕鳩竟然縮沙唔敢入，仆你個街，個下真係真心嬲，唔想去早講啦，黎到門口先淆底。 勸極都冇用之後，最後都分道揚鑣，佢就番左酒店訓教，我就孤身異地闖夜店，台北夜蒲團團轉，屌你老母，俾人放飛機個下，諗番都扯扯地火。 最後係入面台妹就識唔到，竟然識左個台灣讀書既澳門妹，全程講廣東話，lol，跟住夜晚點幾先落機既真漢竟然黎左搵我，佢係入面俾個肥婆鬼婆狂ＦＬＩＲＴ，笑死。跟住下場就係同條女＋佢個ＦＲＤ＋個日本仔去左間叫來來豆漿度食野，最後分開走我同條女去左佢家係劍南路站美麗華摩天輪附近，見到個景突然好感觸，原來我三年前台灣ＴＲＩＰ既最後一日，為左幫人買一對ＡＩＲＦＯＲＣＥ，都曾經趕住咁黎到呢度搵。。真係往事只能回味哈哈 同條澳門囡囡最後，傾計做個ＦＤ子～～終於見識到香港女仔同台灣女仔骨子裡同價值觀上，其實真係有分別，係唔同既。 最後天已光，捷運番酒店，通左成晚頂，累撚到仆街，又落住大雨，原本諗住呢日早上租車，由台北踩落新竹，最後。。。算啦，ＤＥＬＡＹ一日，訓教！ 可能我係毒撚，其實覺得台灣夜店同香港差唔到幾遠，冇Ｄ人講到咁誇，最大分別既就係平好多，同埋真係識到台灣既人。不過當然都係台灣＞＞香港啦 ＜第二日＞ 呢日訓到自然醒，早上１２點幾，原本黎踩４日單車，最後第一日就收左皮，冇計，永遠旅行就係好多你想像唔到既野不段發生，呢個亦都係我鍾意旅行既原因！！ 最後同朋友決定，都係唔好踩落新竹，直接坐車落台中出發，可以順便落埋墾丁！！（原本成條路線靜係ＰＬＡＮ台北＞＞＞高雄）
