【東京攻略】鬧市瑪利奧賽車 ！東京玩樂報告 任天堂的《孖寶賽車》相信不少大小朋友既童年回憶。由GBA年代到街機連線對打都係有一定既支持者。 偶然喺網上見到有網友在東京涉谷街頭遊玩，正當以為呢個係宣傳既時候，其實原來只要有車牌，就可以扮下瑪利奧玩賽車！現實中當然就唔會有蕉皮龜殼等道具，不過能夠在相宜價錢在市區上風馳電掣，呢件事在香港應該都幾難做到！ 真人版孖寶賽車既概念其實係由位於品川區既マリカーMariCar諗出黎，東京區提供三條路線俾參加者去玩，主要係透過高架車由導遊帶領參加者暢遊東京熱門景點。 出發前MariCar會為大家提供教學及借出得意既卡通人物衫俾大家！ MariCar提供了三個Plan，分别由兩小時至三小時起步，價錢由8000Yen到11000Yen。 點擊圖片放大 扣除換衫同埋講解後，如果join兩個鐘頭plan剩得個零鐘頭玩，而且彩虹橋同涉谷只能二選一。 即係想有公路飛馳就要放棄鬧市，同埋一個鐘鬆啲有啲到喉唔到肺既感覺。 建議大家join三個鐘頭plan，玩到兩個鐘而且可以去齊彩虹橋，六本木，東京鐵塔同埋涉谷。 除左借衫外，其實mariCar仲有借埋GoPro等設備供玩家拍片留念。 出發了。車隊會有兩名工作人員帶領大家。 首先係前經彩虹橋去台場。 雖然咪標話最高車速係一百，不過安全起見，跟住大隊既步伐跟返日本道路限制行車都好足夠。 車隊每到那裏都成為眾人的目光。停燈既時候，帶頭的工作人員不忙替大家影相留念。 喺台場休息一陣後，車隊隨跟前往另一景點東京鐵塔。 喺東京鐵塔影相留念後就轉戰六本木同涉谷。 由於時間充裕，所以喺涉谷站圍繞左兩圈先返回品川交還車輛。 後記 雖然彩虹橋，涉谷，東京鐵塔等地方對經常去東京既我並唔陌生，高卡車亦曾經接觸過。 不過兩樣野mix起來既感覺係好新穎，能夠喺彩虹橋同東京鬧市玩高卡車確係一次難得體驗，最重要係抵玩，如果厭左東京的行街購物，真係可以一試！ MariCar有自己既facebook同網站，予約其實好簡單，只要facebook message通知佢地想join邊日,咩course同幾多人參加就ok！ 值得一提係MariCar有提供Promotion的，只要遊玩後即時post文貼相，就會提供優惠價俾你，就以三小時既Course為例，可以減到8000円一位的，優惠表常吸引！除左呃Like外仲可以慳返餐飯！ 不過出發前記得！記得！記得！拎埋國際牌去丫！ P.S.佢地最近好似喺大阪開左分店！去大阪既朋友可以注意！
