之前係灣仔返工食過金記冰室,無做之後就無再食,一直都覺得金記野食又好食,價錢又合理。都係成正比既,而家荃灣開左新店,勁近F先生所以即刻去試試同灣仔個間有無咩唔同先點擊圖片放大 裝修依舊係老香港情懷,用照雞蛋既膠紅罩燈,餐牌都係用乒乓球拍做,好得意 因為2點坐底底先知2點半有下午茶,所以叫住個午餐同菠蘿油頂肚先 [XO醬雞扒炒意粉] 好大碟, 雞扒一塊切開左幾件,唔算好油, 同埋個意粉都唔咸 午餐有中湯/西湯送,我選擇左中湯,中湯係老火湯,煲到好清甜無咩味精又唔咸 凍奶茶好滑, 茶底唔會澀,正 菠蘿飽好鬆軟,唔知點解有D椰子味,牛油好夠厚,唯獨係唔夠熱,令舊牛油唔係好溶 下午茶叫左個[咖喱海鮮炒飯] 好夠鑊氣、夠乾身,不過材料都係普通野 如果食茶記,金記都係唔錯既選擇,而且荃灣呢間坐得幾舒服,又夠大 金記冰室 荃灣川龍街118號百悅坊地下及一樓 ______________________________________________________________ 90's HK Couple F先生和W小姐倆口子的小分享 Instagram : f.and.w