雖然叫「森美餐廳」,但唔好以為係森美開,通常倆口子喺荃灣想食西餐都會黎呢間,因為貪佢平靚正,我地通常都叫Set扒餐(有餐包、餐湯、前菜、主菜)再散叫意粉/焗飯,因為意粉同焗飯份量都好大,加埋扒餐兩個人就岩岩好 餐湯就白湯&西湯,雜菜湯好足料,而且唔酸 餐包喺焗蒜蓉包,2邊都均勻地搽左蒜蓉醬,焗得好金黃香脆,而家已經好小餐廳咁做 沙律菜都好新鮮 主菜嘅威靈頓牛柳係W小姐至愛,通常諗唔到食咩都會揀佢,因為外面酥皮夠脆入面牛肉夠嫰,好厚身牛柳,要7成熟所以裹面肉仲係紅紅地,時間掌握得幾好。 之前亦都試過芥末蜜糖德國豬手,本身以為芥末蜜糖會淋喺豬手上面,原來喺另上自己點,豬手外皮同肉都有小小硬,但點埋芥末蜜糖食落又好易入口喎 戴安娜牛柳配薯菜 開頭都唔知咩喺戴安娜牛柳,我估都喺威靈頓牛柳D FD 哈哈,結果黎到原來喺煙肉圍住牛柳,都幾得意。另外薯菜一向都唔會令人失望,W小姐喜歡薯菜炸得岩岩好,加左小小味粉,而且唔同平時腰果形個款薯菜,食落都唔覺好油膩 香蒜汁香草龍脷柳配天使麵 天使麵有驚喜,用油加香草炒過,好香唔乾身,就咁食都好好味 白汁海鮮焗飯 最正嘅喺凍飲唔需要加錢,推介凍朱古力,味道好濃之餘亦都唔係比阿華田你=) 點擊圖片放大 餐牌雖然唔多選擇,但勝在每樣都用心做,同埋鋪頭位於比較up dup嘅商場,不過平民得黎好食,有Heart有驚喜! 森美餐廳 荃灣西樓角路170-184號華都中心2樓30-60C舖 ______________________________________________________________ 90's HK Couple F先生和W小姐倆口子的小分享 Instagram : f.and.w