久唔久W小姐都會去食afternoon Tea，貪佢可以慢慢坐慢慢食，又可以試到唔同款式嘅野食，今次好叻地搵到兩間平民價afternoon Tea，環境舒適之餘又唔多人，最啱週末休息一下！ 【Fauchon Paris Le Café】 第一層係Fauchon朱古力及馬卡龍 第二層係鬆餅及Fauchon甜品，而我地就係法式泡芙(心心眼) 最底層係咸點Fauchon三文治、鵝肝醬tart、蟹肉番茄牛油果醬沙律、煙三文魚煎餅點擊圖片放大 全部都好精緻，而且味道幾好，真係睇得又食得。 Afternoon tea set for two $168 連二杯飲品 Fauchon Paris Le Café 沙田沙田正街18號新城市廣場4樓408及410號舖 【廚意Kitchen Savvy】 第一層係甜點馬卡龍、慕絲杯、蛋糕等等 第二層係鬆餅同Pizza 最底層係咸點有吞拿魚酥皮餅，煙三文魚火箭菜，巴拿馬火腿併哈蜜瓜，鵝肝醬tart 最鐘意係飲品可以揀唔同既茶，仲係一壺上可以refill，可以食完慢慢坐嘆下 呢間係酒店餐廳，所以環境好大好舒服，又唔多人 Afternoon tea set for two $2xx 連二杯飲品 廚意Kitchen Savvy 佐敦志和街1號登臺酒店1樓 雖然兩間食物都大同小異，但其中一間除開每位$100有找，食品種類同味道都唔錯，環境亦都好舒服，所以同姊妹去傾計一流！ ______________________________________________________________ 90's HK Couple F先生和W小姐倆口子的小分享 Instagram : f.and.w Contact : cheukwing30@gmail.com
