快閃3日2夜曼谷，無點安排行程，純粹行、食、休息，所以今次選擇咗比較高級嘅酒店放鬆下，就喺【東方文華公寓Oriental Residence Bangkok】同屬東方文華系列，不過就稍微低價小小嘅品牌，而且F先生同W小姐對酒店要求好高，結果去到真喺好滿意，休息真喺一流！ 由BTS行到酒店需要5-10分鐘，去到門口已經有Bell Boy主動接手行李搬送。一入到酒店，即刻被優雅嘅氣質深深吸引，低調又有氣派嘅lobby，白搭灰顏色組合，本身行到身水身汗仲有D忟憎嘅倆口子都即刻好似降左溫咁，笑反哂=] Check-in櫃檯好大又好貼心咁放左座椅，而且仲有2杯迎賓飲品比你解渴，可以悠哉悠哉咁辦理入住手續，的確貴賓般一樣看待。 Check-in完之後前枱人員仲會親自帶你上房(其實當打開房門嘅時候，心中已經「嘩」左聲) ，介紹下間房嘅設施，酒店有咩玩，其他設施喺邊個樓層咁，呢D咪服務囉！前枱人員介紹完之後，Bell Boy好快將行李送到房間。 之前官網做緊7折優惠包早餐，本身想book Grand Deluxe約45平方米，但見「One-Bedroom Suite」約 70 平方米，有一廳一房同開放式嘅廚房，大咁多價錢都喺差$200左右，所以就book左「One-Bedroom Suite」。 睡房 超大King Size床，可以盡情碌碌碌碌，不過兩個枕頭都偏軟，但酒店好貼心咁準備咗“枕頭MENU“ ，上面有9種唔類型嘅枕頭比你選擇，材質同軟硬度都寫得清清楚楚，真喺好好呀救命。 浴室 好大嘅浴缸(心心眼)加書架，可以一邊浸浴一邊煲劇點擊圖片放大 見到有咁大張化妝枱，對於女士黎講真喺絕對加分 開放式廚房 微波爐、麵包機、冰箱......一應俱全，連刀叉餐具，杯碗鍋，抽屜同上面嘅櫥櫃都喺擺滿各式各樣嘅器具 點擊圖片放大 +4 連茶包同咖啡包都奢侈過人，係TWG啊！ ！！ 客廳 有張圓枱用膳，細緻到餐具同調味料都有齊哂架 雖然住7樓，但露台景觀都唔錯呀點擊圖片放大 成間套房空間好大，好居家feel，好溫馨嘅感覺，而且家具質感一流，尤其個老舊復古式英國電視櫃，真喺好想問下酒店賣唔賣?______________________________________________________________ 歡迎大家Follow F先生和W小姐的IG看更多我們日常的小分享: F.AND.W
