澳門每隔2-3年去一次都唔覺景點美食有咩大改變，唯一改變就係酒店又多左，不過今次去澳門純粹想休息下，唔想留喺香港同埋慶祝一下倆口子嘅記念日。 今次入住澳門喜來登金沙城中心大酒店，上網Book嘅時候寫咗慶祝記念日，所以多謝酒店既悉心安排=)check in有好多個counter所以都唔洗等好耐。房間比想像中大而且乾淨，景觀見到泳池，推介比大家呢間喺住得過嘅。 點擊圖片放大 酒店對面就喺興建中既巴黎人酒店，好似好靚咁，期待中 由於酒店係氹仔個邊，所以晚餐都喺去番係氹仔好出名既官也街搵食，問過酒店職員話行過去要半個鐘，結果由酒店搭的士去官也街，一上車司機大哥好誠實咁話其實行過去10分鐘，但係的士要兜黎兜去，之後講左一大輪教我地點行，到達大概要MOP40-50。 一心想食葡國菜，所以就去咗小飛象葡國餐廳，叫咗個2人Set，基本上有哂我地想食既野，又唔洗諗。唔洗15分鐘上哂所有菜，非常快 <雜菜湯+餐包> 湯唔算好濃味，餐包就夠熱。 <馬介休餅>比較期待嘅一樣，因為單叫要成$120，入面有D雜菜加薯蓉再炸，食2粒已經好夠飽 <葡國雞>個汁好香加埋炒飯一齊食好好味 原本係西洋炒飯，不過我地加錢轉左<馬介休炒飯> <紅酒牛脷>黎到嘩左一聲，份量多之餘，條脷好大塊又厚，可以好似据扒咁食HAHA 最後奉送西瓜，埋單見到餐巾要收$1，是澳門慣例嗎？整體其實不太推介，無咩特別之餘野食又唔算好好味，可以的話喺官也街都有其他葡國菜餐館可以試試。食完太飽所以真喺由官也街行反去酒店，其實都只係15-20分鐘，所以建議大家唔搭車都可以。 ______________________________________________________________ 90's HK Couple F先生和W小姐倆口子的小分享 Instagram : f.and.w Contact : cheukwing30@gmail.com
