得閒無事W小姐都會搵下有咩飲食優惠，今次比我搵到汀蘭居樓下嘅餐廳《Anchor’s Seafood and Beer House》自助晚餐8點半後買一送一，仲要原價本身都只喺$398，所以買一送一真係勁吸引！ 預先BOOK好位，未到8點半已經去到，因為未入得，所以出左去室外嘅平台睇下個無敵大海靚景影下相先 8點半入座，安排我地比較後嘅用餐區，雖然地方寬敞，但餐廳長形嘅設計，行出行入都唔係幾方便。一開始當然食下沙津、麵包、芝士碟先，沙津枱上放左一個大碗，周邊就喺D配料，而且有好大舊芝士比你刮 之後就開始食凍海鮮，第一輪有長腳蟹，之後就一直無再fill過，變左喺帶子，枱上亦都有冷盤、刺身及壽司等等 點擊圖片放大 +2 熱食唔算好多，一眼望哂，而且唔係好吸引，都係D炒飯、意粉、雞等等 戶外有個燒烤區，會有個師傅燒完放入個食物盤到，烤肉有牛扒、烤腸、雞翼、羊扒等等，F先生同W小姐都覺得燒雞翼同燒牛扒幾好，仲有燒3色椒、菠蘿、雞髀菇等等 點擊圖片放大 場內仲有烤肉同即煮麵食，野飲方面就有即磨咖啡同紅茶，而茶包採用Dilmah，都唔錯架！(無咩特別所以無影相)。最後當然唔可以放過甜品，都有十多款嘅選擇，同埋有個DREYER'S雪櫃，內有3款口味雪條.正！ 點擊圖片放大 如果要求唔高，以二百幾蚊既buffet黎講已經算幾好，但買一送一既優惠唔知幾時完，大家要去就快D BOOK啦！(因為位置比較偏僻，建議大家Book位個陣問埋交通，而我地就揸車入去所以知道喺free parking ge) Anchor's Seafood and Beer House 荃灣油柑頭青山公路汀九段123號汀蘭居地下 ______________________________________________________________ 90's HK Couple F先生和W小姐倆口子的小分享 Instagram : f.and.w Contact : cheukwing30@gmail.com
