創意文具大比拼，原來佢先係必備嘅辦公潮物 返工係每個人嘅苦痛，每到禮拜一，office總會瀰漫住憂鬱嘅氣息，呢個時候就需要適當嘅辦公潮物嚟治癒身心，唔理係創意文具或係潮物，必需有幾樣嚟令心情變好，以下商品你又有冇？ 1. 北極熊釣魚茶杯組 (Picture From Youtube Video ) 由日本Hasami Nagasaki 手工而成嘅茶杯組，睇起嚟係不係好治癒呢？就算咁唔好彩俾老細鬧，都因為睇到呢個茶杯set而感到一絲絲愉悅，呢一set溫馨嘅茶杯，非常適合送俾心靈脆弱需要治癒嘅打工仔當創意禮物！ 2.杯架大頭夾--拯救咖啡好幫手 辦公枱擺哂一堆文件？加上電腦又霸咗啲位，搞到咖啡成日處於打瀉與跌爛嘅邊緣。由 Yaacov Kaufman 工作室設計嘅多功能杯子夾，可以幫你「Hold」住咖啡杯，唔易整濕你嘅重要資料。 (Picture From Cup Clip - Multifunctional clip) 3. 創意文具──造型萬字夾 市面上有好多可愛嘅萬字夾，造型嘅軟膠萬字夾能令人係百忙中會心一笑，好似圖：或者只係簡單嘅「加油」兩個字，就可以令人忘記繁忙嘅崩潰感，重新振作搵返工作動力！咁樣嘅造型萬字夾都好啱攞嚟做創意禮物，幫氣餒嘅同事打打氣！ (Picture From Xebe) 4. 造福OL嘅實用髮帶 睇落平凡實則係好多女性上班族嘅福音啊！瀏海一族靠呢種小物先可以令自己係工作時免受頭髮困擾，亦都不再怕自己食嘢嗰時食埋一堆「髮菜」，轉眼一個動作就變身成為有型嘅打工仔！而露出嘅額頭或者仲會幫自己招來源源不絕嘅靈感呢！ 心動呢？快啲搵啲有趣嘅創意文具、潮物，送俾自己或朋友仔，等大家都擁有輕快、明亮、愉悅嘅上班步伐啦！
